Simple Life ကိုပဲ သဘောကျတယ်၊ ဒီလို Simple Life မှာပဲ ပျော်ရွှင်ချင်တယ်ဆိုတဲ့သူတွေအတွက် ပျော်ရွှင်စွာနေထိုင်နိုင်မယ့် နည်းလမ်းကောင်းတွေကို မျှဝေပေးလိုက်ပါတယ်။
စိတ်ညစ်စေတဲ့အရာတွေကိုချန်ထားခဲ့ပါ
ကိုယ့်အတွက် စိတ်ညစ်စေတဲ့အရာ မှန်သမျှကို ချန်ထားခဲ့နိုင်ရင် စိတ်ချမ်းသာပြီး ပျော်ရွှင်ရမှာပါပဲ။ စိတ်ညစ်စရာတွေကို ပိုက်ထားရင်တော့ ဘယ်တော့မှ အပြည့်အဝပျော်ရွှင်ရမှာ မဟုတ်ပါဘူး။
အကောင်းမြင်စိတ်များများထားပါ
အရာရာကို အကောင်းမြင်စိတ်ထားနိုင်ရင် စိတ်သက်သာရာရပါတယ်။ အဆိုးမြင်စိတ်တွေများနေရင် ပူလောင်ရတယ်၊ ဒေါသထွက်ရတယ်၊ ဝမ်းနည်းရပါတယ်။ ဒါကြောင့် ကိုယ့်ရဲ့စိတ်ကို ပြင်ဆင်ဖို့လည်း လိုပါတယ်။
တစ်ယောက်တည်းအေးဆေးအနားယူချိန်ထားပါ
ဘော်ဒါတွေနဲ့ တွေ့ပြီးပျော်ပါးတဲ့အချိန်လည်း ရှိသလို တစ်ယောက်တည်း အေးအေးဆေးဆေး ကိုယ်လုပ်ချင်တာလေးတွေလုပ်ပြီး အနားယူချိန်လည်း ထားပေးပါ။
Social Media ကိုလျှော့သုံးပါ
Social Media ကို လျှော့သုံးနိုင်လေ စိတ်ချမ်းသာရလေ ဖြစ်မှာပါ။ ဘာကြောင့်လဲဆိုရင်တော့ Social Media အသုံးများရင် ကိုယ့်အတွက်မကောင်းပါဘူး။ Toxic လည်းဖြစ်စေပါတယ်။ အချိန်လည်းကုန်ပါတယ်။
အတွေးမများပါနဲ့
အတွေးများနေရင် ဘယ်တော့မှ အပြည့်အဝ ပျော်ရွှင်ရမှာ မဟုတ်ပါဘူး။ ကောင်းတဲ့ကိစ္စရှိလာရင်တော့ မဟုတ်တာတွေကို လျှောက်တွေးမိပြီး အပျော်တွေ ပျက်စီးစေပါတယ်။ ဒါကြောင့် အတွေးမများပါနဲ့ Overthinking မဖြစ်ပါနဲ့။
Life Goal အတိုင်းလုပ်ဆောင်ပါ
Life Goal တစ်ခုသတ်မှတ်ပြီး အဲ့အတိုင်းလေးပဲ တစ်သတ်မတ်တည်း လုပ်ဆောင်သွားပါ။ သူများကိုအားကျပြီး ကိုယ့်ဘဝကို သိမ်ငယ်နေတာမျိုးတွေမဖြစ်ပဲ ရိုးရှင်းစွာနေထိုင်ပြီး ကိုယ်ပျော်မယ်ထင်တဲ့အရာတွေကိုသာ စိတ်တိုင်းကျလုပ်ဆောင်သွားပါ။
