ဗီရိုထဲ အဝတ်အစားတွေ ပြည့်နေချင်ရင် ဖက်ရှင်ကို စွဲလန်းနေဖို့ မလိုပါဘူး။ အဝတ်အစားက မရှိမဖြစ်လိုအပ်ပေမယ့်ငွေအများကြီးမကုန်ဘဲ ဗီရိုထဲ အဝတ်အစားတွေ ပြည့်နေဖို့အတွက်ဆို ဒီနည်းလမ်းတွေကို လိုက်နာကြည့်ပါ။
ဗီရိုရှင်းပါ
အရင်ဆုံး ဗီရိုထဲကို ရှင်းလိုက်ပါ။ မဝတ်ဖြစ်တော့တဲ့ မလိုအပ်တော့တဲ့အဝတ်အစားတွေကို လိုအပ်တဲ့နေရာကိုတွေ လှူတာ ၊ သူငယ်ချင်းတွေကို ပေးတာဖြစ်ဖြစ်လုပ်လိုက်ပါ။ ဒါမှမဟုတ် မလိုအပ်တော့တဲ့ ပစ္စည်းတွေကို ရောင်းပါ။
Budget သက်မှတ်ပါ
အဝတ်အစားအသစ်ဝယ်ဖို့ ဆိုင်ထဲမဝင်ခင် ဘတ်ဂျက်တစ်ခု သတ်မှတ်ပါ။ ဒါမှ အဝတ်အစားဝယ်တဲ့အခါ ငွေပမာဏအများကြီး မသုံးမိမှာပါ။ တချို့ကတော့ လတိုင်း အဝတ်အစားအတွက် ပိုက်ဆံကို ဘေးဖယ်ထားကြပြီး သီးသန့်သက်မှတ်ကြပါတယ်။
Sale ချချိန်ဝယ်ပါ
အဝတ်အစားဝယ်တဲ့အချိန် Sale ချထားတဲ့အဝတ်အစားတွေ ဝယ်တာကလည်း ငွေကုန်ကြေးကျနည်းပြီး အဝတ်အစားအသစ်ဝယ်နိုင်မယ့် နည်းလမ်းကောင်းတစ်ခုပါပဲ။
Thrift ဝယ်ပါ
Thrift ပစ္စည်းအများက စျေးသက်သာပြီး အရည်အသွေးကောင်းပါတယ်။ ဒါကြောင့် ငွေကုန်ကျကြေးကျနည်းချင်ရင်ရင် ခြွေတာတဲ့အနေနဲ့ Thrift ဝယ်လို့ရပါတယ်။
Accessories ဝတ်ပါ
တစ်ခါတစ်လေ Accessories ဝတ်ရုံနဲ့တင် ဝတ်စုံတစ်ခုလုံးကို ပြောင်းလဲနိုင်ပါတယ်။ အပိုအဝတ်အစားမဝယ်ဘဲ ဖိနပ်အသစ် သို့မဟုတ် အိတ်အသစ်နဲ့တင် သင့်အသွင်အပြင်ကို ပြောင်းလဲနိုင်ပါတယ်။
