လက်သည်းဝါညစ်တာတွေ သက်သာစေမယ့်နည်းလမ်းနဲ့ ကြိုတင်ကာကွယ်နည်း

လက်သည်းဝါညစ်နေတဲ့သူတွေအတွက် လက်သည်းဝါညစ်တာ သက်သာစေမယ့် DIY နည်းလမ်းတွေနဲ့ ဝါညစ်တာမျိုးမဖြစ်အောင် ကြိုတင်ကာကွယ်နိုင်မယ့် နည်းလမ်းတွေကို မျှဝေပေးလိုက်ပါတယ်။ များသောအားဖြင့်တော့ လက်သည်းဝါညစ်တာက လက်သည်းနီခဏခဏဆိုးတဲ့ သူတွေမှာပဲ မဖြစ်များပါတယ်။

သွားတိုက်ဆေး

Whitening သွားတိုက်ဆေးကို လက်သည်းပေါ် များများတင်ပြီး ၁၀ မိနစ်၊ ၁၅ မိနစ် လောက်ထားပေးပါ။ ပြီးရင်တော့ သွားပွတ်တံနဲ့ တိုက်ပေးပါ။ ဒီလိုနေ့တိုင်းသာ လုပ်ပေးမယ်ဆိုရင်တော့ လက်သည်းဝါညစ်တာ သက်သာစေပါတယ်။

မုန့်ဖုတ်ဆိုဒါ

ဒီနည်းလမ်းကိုတော့ လူတိုင်းသိမယ်ထင်ပါတယ်။ မုန့်ဖုတ်ဆိုဒါကို လက်ဖက်ရည်ဇွန်း ၂ ဇွန်းစာယူပြီး ပျစ်ပျစ်လေးဖြစ်အောင် ရေနွေးနည်းနည်းနဲ့ရောမွှေပါ။ ပြီးရင်တော့ လက်သည်းမှာလိမ်းထားပြီး ၅ မိနစ်၊ ၁၀ မိနစ်ထားပါ။ အချိန်ပြည့်ရင် ရေနဲ့ပြန်သန့်စင်လိုက်ရုံပါပဲ။ တစ်ပတ်တစ်ရက် ပုံမှန်လုပ်ပေးရင် လက်သည်းဝါညစ်တာ သက်သာစေပါတယ်။

သံပယိုသီး

သံပယိုသီးကို တစ်ခြမ်းခြမ်းပြီး လက်သည်းကိုပွတ်ပေးပါ။ ပွတ်ပြီးရင် ရေမဆေးပဲ အဲ့အတိုင်းထားလိုက်ပါ။ ကြာကြာလေးထားပြီးမှသာ ရေဆေးချလိုက်ပါ။ ဒီနည်းလမ်းကိုတော့ နေ့တိုင်းလုပ်ပေးရင် လက်သည်းဝါညစ်တာ သက်သာစေပါတယ်။

Essential Oils

ဇလုံအသေးလေးထဲကို ရေနွေးထည့်ပြီး Lemon Oil နည်းနည်းနဲ့ Tea Tree Oil နည်းနည်းကိုပါ ထည့်မွှေလိုက်ပါ။ ပြီးရင်တော့ လက်သည်းနစ်နေအောင် စိမ်ထားလိုက်ပါ။ ကြာကြာလေးစိမ်ပြီးမှ ရေနဲ့ပြန်သန့်စင်ပါ။ ပြီးရင်တော့ လက်ကို Moisturizer ပြန်လိမ်းပေးပါ။

လက်သည်းဝါညစ်တာမျိုးမဖြစ်အောင် ကြိုတင်ကာကွယ်ရမယ့် နည်းလမ်းတွေကတော့ လက်သည်းနီဆိုးတိုင်းမှာ Base Coat ခံဆိုးပေးပါ။ ပြီးမှသာ ကိုယ်ဆိုးချင်တဲ့ လက်သည်းနီကိုဆိုးပါ။

လက်သည်းနီနဲ့ လက်သည်းဖျက်ဆေးကို Quality ကောင်းတာမျိုးပဲသုံးပေးပါ။

လက်သည်းကိုလည်း တစ်ပတ်တစ်ခါ ပုံမှန် Cleansing လုပ်ပေးဖို့ မမေ့ပါနဲ့။