ကျောပိုးအိတ်တွေ လွယ်ရတာ ငြီးငွေ့နေပြီဆိုရင် ဘေးလွယ်အိတ် Messenger Bag တွေ ပြောင်းဖို့ အကြံပေးချင်ပါတယ်။ ပေါ့ပေါ့ပါးပါးနဲ့ အပြင်သွား အပြင်လာ ပစ္စည်းလေးဘာလေး ထည့်သွားဖို့အတွက်လည်း Messenger Bag တွေက အသုံးတည့်ပါတယ်။ Messenger Bag တွေကို ပိုပြီး ဖက်ရှင်ကျကျ ဝတ်လို့ ကောင်းမယ့်နေရာလေးတွေ ရှိပါတယ်။
(၁) Gym မှာ
Photo: Shape Magazine
အားကစားလုပ်ဖို့ Gym သွားမယ်ဆိုရင် Messenger Bag လေး လွယ်သွားတာ ပိုစမတ်ကျပါတယ်။ Sport ဝတ်စုံနဲ့ Messenger Bag တွဲဝတ်သွားရင် တကယ့်ပရိုအားကစားသမားတစ်ယောက်ရဲ့ စတိုင်ကို ဖမ်းပြီးသား ဖြစ်မှာပါ။
(၂) အလုပ်မှာ
Photo: Carryology
ရုံးသွားရုံးတက်ချိန်မှာလည်း Messenger Bag နဲ့ သွားလို့ ရပါတယ်။ ရုံးဝတ်စုံဖြစ်လို့ Formal Fashion ဖြစ်အောင် ဂျက်ကတ်ကောင်းကောင်း Smart Casual ဝတ်စုံရွေးဝတ်ဖို့တော့ လိုမှာပါ။ လွယ်အိတ်ကိုတော့ အနက်ရောင် နဲ့ အညိုရောင် လယ်သာအိတ်မျိုး ရွေးသင့်ပါတယ်။
(၃) ခရီးသွားချိန်မှာ
Photo: baldingbeards
အားလပ်ရက် ခရီးထွက်ချိန်မှာ ဘေးလွယ်အိတ်လေး ဆောင်သွားတာဟာ စာရွက်စာတမ်းနဲ့ သော့လို ၊ ပိုက်ဆံအိတ်လို တိုလီမိုလီ အရေးကြီးပစ္စည်းတွေ ထည့်သွားလို့ ရပါတယ်။ ခရီးသွားမှာ ဖြစ်လို့ လွယ်လိုက်တိုင်း သက်တောင့်သက်သာ ရှိဖို့ အကြမ်းခံဖို့ နဲ့ စတိုင်ကျဖို့ကို ဦးစားပေး ရွေးချယ်ရမှာပါ။
(၃) ကျောင်းတက်ချိန်မှာ
Photo: themanual
ကျောပိုးအိတ်တွေနဲ့ ကျောင်းတက်တာကနေ အပြောင်းအလဲဖြစ်စေဖို့ Messenger Bag လွယ်သင့်ပါတယ်။ ကျောင်းသုံးပစ္စည်းတွေထည့်လို့လည်း ရအောင်လည်း အရွယ်အစားကို ဂရုစိုက်သင့်ပါတယ်။ ကျောင်းလွယ်အိတ်အနေနဲ့ ဆိုရင် အရောင်ရင့်ရင့်တွေ ရွေးသင့်ပါတယ်။
