ခန္ဓာကိုယ် တစ်ခုလုံး ကြွက်သားများ တောင့်တင်းဖို့ရန်အတွက် လေ့ကျင့်ခန်းများ ပြုလုပ်ချင်တဲ့သူတို့အတွက် Wall Sit လေ့ကျင့်ခန်းများ ရှိပါတယ်။ Wall Sit လေ့ကျင့်ခန်းတွေက ခြေသလုံးကြွက်သားများ၊ ပေါင်ကြွက်သားများကို သန်မာစေပါတယ်။ အလေးတုံးများ ထပ်ပေါင်းထည့်ကာ ဆော့ကစားပေးပါကလည်း လက်မောင်းကြွက်သားများအတွက် အထူးကောင်းမွန်လာပါလိမ့်မယ်။
လေ့ကျင့်ခန်း (၁)
အရင်ဦးဆုံး ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ထို့နောက် နံရံ့ကိုမှီကာ ဒူးခေါင်းကို ၉၀ ဒီဂရီကွေးသွားသည်အထိ ကွေးညွှတ်လိုက်ပါ။ ထိုအနေအထားအတိုင်း ၃၀ စက္ကန့်ခန့် တောင့်ခံထားလိုက်ပါ။ ၃ ကျော့ ပြုလုပ်ရပါမယ်။
လေ့ကျင့်ခန်း (၂)
ဒီတစ်ခါခြေထောက်တစ်ချောင်းတည်းနဲ့ Wall Sit ပြုလုပ်ရမှာဖြစ်ပါတယ်။ ဘယ်ခြေထောက် မပြီးတဲ့နောက်မှာ ညာခြေထောက် ပြောင်းကာ ထပ်မပေးရပါမယ်။ ဘယ်ညာကို တစ်ကြိမ်လို့ သတ်မှတ်ပြီး ၃ ကျော့ပြုလုပ်ရပါမယ်။
လေ့ကျင့်ခန်း (၃)
ဒီတစ်ခါမှာတော့ Medicine ဘောလုံးလေးကိုင်ကာ Wall Sit လေ့ကျင့်ခန်းလေး ပြုလုပ်ရမှာဖြစ်ပါတယ်။ စက္ကန့် ၃၀၊ ၃ ကျော့ ပြုလုပ်ရမှာဖြစ်ပါတယ်။
လေ့ကျင့်ခန်း (၄)
ဒူးကို ၉၀ ဒီဂရီ ကွေးညွှတ်ထားပါ။ လက်နှစ်ဖက်က အလေးတုံးကို ကိုင်မြှောက်ထားပါ။ ထို့နောက် တံတောင်ကို အပေါ်သို့ ဆန့်တန်းကာ အလေးတုံးနှစ်တုံးကို ထိကပ်ပေးလိုက်ပါ။ ထို့နောက် မူလအနေအထားအတိုင်း ပြန်နေပါ။
စက္ကန့် ၃၀၊ ၃ ကျော့စီ ပြုလုပ်ပေးရမှာဖြစ်ပါတယ်။
