စာရေးသူကတော့ အလှသာကြိုက်တာပါ။ Skin Care ရမယ်ဆိုအရမ်းပျင်းပါတယ်။ လွယ်လွယ်ကူကူ အိမ်တွင်းနည်းလမ်းတွေဆိုလို့ လိုက်လုပ်ကြည့်မယ်ကြံလည်း ပါဝင်ပစ္စည်းနှစ်မျိုးထက်ပိုသွားရင်၊ ဟိုရောမွှေရ၊ ဒီရောမွှေရလေးတွေရှိလာတာနဲ့တင် မလုပ်ချင်တော့ပါဘူး။

ဒီဆောင်းပါးလေးကတော့ စာရေးသူလိုပဲ အပျင်းကြီးတဲ့ပျိုမေလေးတို့အတွက် အကြိုက်တွေ့စေမယ့် ဆောင်းပါးလေးပါနော်။ ငှက်ပျောသီးခွံတစ်မျိုးတည်းနဲ့ တစ်ကိုယ်လုံးဘယ်လိုအလှပြင်ကြမလဲဆိုတာကိုတော့ ဆက်လေ့လာလိုက်ရအောင်ပါ။

Source: Taste of Home

၁။ သွားဖြူစေတယ်

Source: Spotlight Africa Magazine

ဒီတစ်ခါငှက်ပျောသီးစားပြီးရင် အခွံကိုမလွှင့်ပစ်လိုက်ပါနဲ့။ သင့်ရဲ့သွားတွေက ဝါနေမယ်ဆို ငှက်ပျော်ခွံအဖြူဘက်ခြမ်းကို သွားမှာပွတ်ပြီး သွားဖုံးနဲ့သွားကြား (၁၀) မိနစ်လောက်ညှပ်ထားပေးလိုက်ပါ။ ပြီးတာနဲ့ သွားတိုက်လိုက်ပါ။ (၃-၄) ရက်လောက်ဆက်တိုက်ပြုလုပ်ပြီးတာနဲ့ သိသာလာပါလိမ့်မယ်။

၂။ ကြွက်နို့တွေကိုပျောက်စေတယ်

ကြွက်နို့ပေါက်တဲ့နေရာမှာ ငှက်ပျောခွံကို သင့်ကြွက်နို့အရွယ်အစားထက် နည်းနည်းကြီးတဲ့ဆိုဒ်လောက်ဖြတ်ပြီး တိတ်ပတ်ကပ်ထားရင်း အိပ်လိုက်ပါ။ တစ်ညလုံးကပ်ထားပါ။ ညတိုင်း တစ်ပတ်လောက်ပုံမှန်လုပ်ပေးရင်တော့ ပျောက်သွားပါလိမ့်မယ်။

၃။ ဝက်ခြံပျောက်စေတယ်

ဆဲလ်သေတွေကို ဖယ်ရှားပေးနိုင်တဲ့ငှက်ပျောခွံက ဝက်ခြံတွေကိုလည်း ပျောက်စေပါတယ်။ (၅) မိနစ်လောက် ငှက်ပျောခွံအဖြူဘက်ခြမ်းနဲ့ မျက်နှာကိုပွတ်ပေးလိုက်ပါ။ မိနစ် (၂၀) လောက်ထားပြီးရင်တော့ ရေဆေးချလို့ရပါပြီ။ တစ်နေ့ (၂-၃) ကြိမ်ထိပြုလုပ်ပေးပါ။

၄။ အမဲစက်တွေကို ပျောက်ကင်းစေတယ်

ဗီတာမင် A/B/C/E ဓာတ်ကြွယ်ဝစွာပါဝင်တဲ့ ငှက်ပျောခွံက အမဲစက်တွေကိုလည်း ပျောက်ကင်းစေနိုင်ပါသေးတယ်။

၅။ အရေးအကြောင်းတွေကိုလျော့ပါးစေတယ်

Antioxidant ဓာတ်ကြွယ်ဝစွာပါဝင်တဲ့ ငှက်ပျောခွံဟာ အရေးအကြောင်းတွေကိုလည်း လျော့ပါးစေနိုင်ပါသေးတယ်။ (၅) မိနစ်လောက် မျက်နှာပေါ်ပွတ်ပြီးရင်တော့ မိနစ် (၂၀) လောက်ထားပေးပါ။ ပြီးရင်တော့ ကြက်သီးနွေးရေလေးနဲ့ မျက်နှာပြန်သစ်လိုက်ပါ။

၆။ အမာရွတ်တွေကိုပျောက်ကင်းစေတယ်


Source: BeBeautiful

ငှက်ပျောခွံဟာ ဝက်ခြံကြောင့်ဖြစ်တဲ့အမာရွတ်တွေအပြင် ကျောနောက်က အဆီဖုတွေ၊ ခြင်ကိုက်ရာတွေနဲ့ အခြားသောအမာရွတ်တွေကိုပါ လျော့ပါးစေနိုင်ပါတယ်။

၇။ မျက်ကွင်းညိုတာကိုသက်သာစေတယ်

ပန်ဒါမျက်ကွင်းဖြစ်နေတဲ့ ပျိုမေလေးတို့ကလည်း ငှက်ပျောခွံနောက်က အဖြူရောင်အမျှင်တွေကို လျှားစောင်းလတ်ပတ်ဂျယ်လ်နဲ့ရောပြီး မျက်ကွင်းပေါ် Eyecream အနေနဲ့တင်လိမ်းပေးလို့ရပါတယ်။ ၎င်းကို (၁၅) မိနစ်လောက်ထားပြီးရင်တော့ ရေဆေးချလို့ရပါပြီ။ တစ်နေ့တစ်ခါလောက် ပုံမှန်ပြုလုပ်ပေးလို့ရပါတယ်။

Source: Khoobsurati.com