များသောအားဖြင့် Upper Body လေ့ကျင့်ခန်း လုပ်ရင် အလေးတုံးကို လိုအပ်ပါတယ်။ သင်က အလေးတုံး မရှိတာကြောင့် ဘယ်လိုလေ့ကျင့်ခန်း လုပ်ရမှန်း မသိရင် ဒီအကြောင်းအရာက သင့်အတွက်ပါပဲ။ ဖော်ပြပါ လေ့ကျင့်ခန်းတွေကတော့ အလေးတုံး အစား ကိုယ့် ကိုယ်အလေးချိန်ကို သုံးပြီး လုပ်ရမယ့် လေ့ကျင့်ခန်းတွေ ဖြစ်ပါတယ်။ ဒီတော့ ကြည့်လိုက်ရအောင်နော်-
၁။ High Plank
Photo Source: MindBodyGreen
Plank ထောက်တာကိုမှ တံတောင်နဲ့ မထောက်ဘဲ လက်ဆန့်ကာ ခန္ဓာကိုယ်ကို တစ်တန်းတည်း ထားပြီး Plank ထောက်ပေးရပါမယ်။ High Plank ကို ၁ မိနစ် လုပ်ပေးရပါမယ်။
၂။ Shoulder Taps
Photo Source: Popsugar
High Plank အနေအထားအတိုင်း ထောက်ထားပြီး လက်တစ်ဘက်ကို မကာ ဒီလက်ကို ဆန့်ကျင့်ဘက် ပခုံးပေါ် ပုတ်ပေးရပါမယ်။ ထောက်ကျန်ခဲ့တဲ့ လက်မောင်းကြွက်သားက ပိုအားကောင်းလာပါလိမ့်မယ်။ တခြား တစ်ဘက်ကိုလည်း ဒီလိုပဲ လုပ်ပေးရပါမယ်။ အခါ ၂၀ Taps လုပ်ပေးရပါမယ်။
၃။ Up and Downs
Photo Source: Spotebi
High Plank အနေအထားကနေ Elbow Plank အနေအထားဆီ ပြောင်းပေးရပါမယ်။ ဒီလို ပြောင်းတဲ့အခါ လက် တစ်ဘက်ပြီးမှ တစ်ဘက် မြေပြင်ကို ထောက်ပေးရပါမယ်။ Up and Downs လေ့ကျင့်ခန်းကိုလည်း အခါ ၂၀ လုပ်ရပါမယ်။
၄။ Push Up
Photo Source: Giphy
ဒိုက်ထိုးတာကတော့ လက်အပြင် တစ်ကိုယ်လုံး ဝိတ်ကျစေမယ့် လေ့ကျင့်ခန်းပါ။ Push Up လုပ်တာကို ၁၀ ခါ လုပ်ရပါမယ်။
၅။ Back Hold
Photo Source: Runner’s World
ကြမ်းပြင်မှာ လက်ဆန့်လျက် ပတ်လတ် မှောက်ပေးရပါမယ်။ ပြီးနောက် သင့်လက်ကို ဆန့်ကာ အပေါ် မြှောက်ပေးရပါမယ်။ ခြေထောက်ကိုလည်း ဆန့်လျက် အပေါ်ဘက် မြှောက်ပေးရပါမယ်။ ဒီအနေအထားအတိုင်း ၁ မိနစ် နေပေးရပါမယ်။
By MyStyle Myanmar
