နှစ်သစ်ကို မကြာခင် ရောက်လာတော့မှာဆိုတော့ စောင့်မျှော်ကြည့်ရှုရမယ့် ဇာတ်လမ်းတွဲအသစ်တွေကလည်း မရပ်မနားထွက်ရှိလာတော့မှာပါ။ ဒါကြောင့် တစ်နှစ်ကုန်သွားတော့မယ်ဆိုတာကို စိတ်အရှုပ်မခံဘဲ ၂၀၂၄ အတွင်းထွက်ရှိလာအုံးမယ့် ကိုရီးယားဇာတ်လမ်းတွဲအသစ်လေးတွေက စောင့်ကြိုနေတာကြောင့် အကြိုမျှော်လင့်စောင့်စားနိုင်ရအောင် ဇာတ်လမ်းနာမည်လေးတွေကို ဖော်ပြပေးလိုက်ရပါတယ်နော်။
၁။ ALL OF US ARE DEAD (season 2)
Netflix ရဲ့ နာမည်ကြီးဇာတ်လမ်းတွဲတွေထဲက တစ်ကားဖြစ်ပြီးတော့ Season2 ဘယ်တော့ထွက်မလဲဆိုပြီး စောင့်မျှော်နေကြတဲ့ ပရိတ်သတ်တွေအတွက် ၂၀၂၄ ခုနှစ်ထဲမှာ ပရိတ်သတ်တွေရှေ့ကို ရောက်ရှိလာတော့မှာပါ။
၂။ Extraordinary Attorney Woo (season 2)
မင်းသမီး Park Eun Bin ကို အထူးနာမည်ကျော်သွားစေခဲ့တဲ့ Extraordinary Attorney Woo ဇာတ်လမ်းတွဲဟာဆိုရင်လည်း ပရိတ်သတ်တွေရဲ့ တောင်းဆိုမှု၊ စောင့်မျှော်နေမှုတွေကြောင့် ၂၀၂၄ ခုနှစ်ထဲမှာ စတင်ပြသတော့မှာဖြစ်ပါတယ်။
၃။ Murder DIEary
ဒီဇာတ်ကားထဲမှာတော့ ထိပ်တန်းမင်းသားတွေဖြစ်ကြတဲ့ Son Seok Koo, Choi Woo Shik, Lee Hee Joon တို့ ပါဝင်သရုပ်ဆောင်သွားကြမှာဖြစ်ပြီးတော့ သူ့ရဲ့ဇာတ်အိမ်လေးကလည်း ပရိတ်သတ်တွေသဘောကျမယ့် ဇာတ်အိမ်လေးဖြစ်မှာ သေချာလို့ စောင့်မျှော်ကြည့်ရှုကြပါဦးနော်။
၄။ Whirlwind
ဝါရင့်မင်းသား မင်းသမီးတွေဖြစ်ကြတဲ့ Sol Kyung Gu နဲ့ Kim Hee Ae တို့ ပါဝင်သရုပ်ဆောင်ထားကြမယ့် ဇာတ်ကားဖြစ်လို့ မကောင်းမှာတော့ စိတ်မပူရပါဘူးနော်။ နိုင်ငံရေး၊ စီးပွားရေးတွေနဲ့ ပတ်သက်တဲ့ ဇာတ်ကားဖြစ်တာမို့ လူကြီးတွေအကြိုက်ဖြစ်မှာပါ။
၅။ Queen of Tears
ပရိတ်သတ်တွေစောင့်မျှော်နေကြတဲ့ မင်းသားချော Lee Soo Hyun နဲ့ မင်းသမီးချော Kim Ji Won တို့ရဲ့ ဇာတ်ကားသစ်ဟာဆိုရင်လည်း ၂၀၂၄ ခုနှစ်ထဲမှာ ထွက်ရှိသွားမှာဖြစ်ပါတယ်။ သူတို့ကတော့ ဇာတ်လမ်းထဲမှာ လင်မယားတွေအဖြစ် သရုပ်ဆောင်သွားမှာပါ။
၆။ Doctor Slump
Netflix ကနေပြီး ထုတ်လွှင့်သွားမယ့် ဇာတ်လမ်းတွဲတွေထဲကမှ ပရိတ်သတ်တွေ အထူးစောင့်မျှော်ကြည့်ရှုရမယ့် နောက်ထပ်ဇာတ်လမ်းတွဲကတော့ Doctor Slump ဆိုတဲ့ ဇာတ်လမ်းပဲဖြစ်ပါတယ်။ ဒီကားထဲမှာတော့ မင်းသား Park Hyung Sik နဲ့ မင်းသမီး Park Shin Hye တို့က တွဲဖက်သရုပ်ဆောင်သွားကြမှာဖြစ်ပါတယ်။ မင်းသမီး Park Shin Hye တစ်ယောက် အိမ်ထောင်ကျ ကလေးမွေးပြီးမှ ပြန်ရိုက်တဲ့ဇာတ်လမ်းဆိုလည်း မမှားပါဘူး။
၇။ When the Stars Gossip
ပျိုတိုင်းကြိုက်တဲ့ နှင်းဆီခိုင် မင်းသား လီမင်ဟိုနဲ့ ပူပူနွေးနွေး အိမ်ထောင်ကျထားတဲ့ မင်းသမီး Gong Hyo Jin တို့ ပါဝင်သရုပ်ဆောင်ထားကြတဲ့ When the Stars Gossip ဇာတ်လမ်းတွဲကိုတော့ ၂၀၂၄ ခုနှစ်ထဲမှာ tvN ကနေပြီး ထုတ်လွှင့်ပြသသွားမှာဖြစ်ပါတယ်။
၈။ Red Swan
Rain နှင့် Kim Ha Neul တို့ပါဝင်သရုပ်ဆောင်မည့် Red Swan ဇာတ်လမ်းတွဲဟာဆိုရင်ည်းလ Disney မှနေပြီး ၂၀၂၄ ခုနှစ်အတွင်း ပြသသွားမှာဖြစ်ပါတယ်။
၉။ Say You Love Me
ENA ရုပ်သံလိုင်းကနေပြီး ပြသသွားမယ့် Say You Love Me ဇာတ်လမ်းတွဲမှာဆိုရင်လည်း မင်းသား Jung Woo Sung, မင်းသမီး Shin Hyun Bin တို့က ခေါင်းဆောင်တွေအနေနဲ့ ပါဝင်သွားကြမှာပါ။
၁၀။ Connection
သည်းထိတ်ရင်ဖို မှုခင်း ဇာတ်ကားတွေကို ကြိုက်နှစ်သက်ကြသူတို့အတွက် Connection ဆိုတဲ့ ဇာတ်ကားထဲမှာ မင်းသား Ji Sung နဲ့ Hospital Playlist ထဲက မင်းသမီး Jeon Mi Do တို့က ပါဝင်သရုပ်ဆောင်သွားကြမှာဖြစ်ပါတယ်။
စာဖတ်သူတို့ရော ဘယ်ဇာတ်လမ်းတွဲလေးတွေကို စောင့်မျှော်ကြည့်ရှုချင်နေပြီလဲ။
