တစ်ခါတစ်လေမှာ သင့်မသိစိတ်က ကိုယ်မြင်တွေ့နေတဲ့အရာတွေကို သင်ယူလေ့ရှိပါတယ်။ ဒါဆိုရင် သင်နေ့စဉ် ဆင်မြန်းဝတ်ဆင်လေ့ရှိတဲ့ အဝတ်အစားဒီဇိုင်းလေးတွေ၊ ဖက်ရှင်စတိုင်လေးတွေကို သင်ဘယ်က သင်ယူခဲ့သလဲဆိုတာကို သင်သိပါသလား။
၁။ ဘုရားကျောင်းကန်သွားတဲ့အခါ
Photo Source: www.burmeseactress.com
နေ့ထူးနေ့မြတ်တွေမှာ ဘုရားသွားတဲ့အခါ မြန်မာဝတ်စုံလေးတွေနဲ့ နန်းစံနေတဲ့ မိန်းမပျိုလေးတွေရဲ့ ဝတ်စားဆင်ယင်ပုံကနေ သင်ယူလေ့ရှိပါတယ်။
၂။ လမ်းမပေါ်က
Photo Source: www.gamcorp.com.au
လမ်းမပေါ်မှာ သွားလာနေတဲ့ အလွှာပေါင်းစုံလူတွေဆီကနေ ဖက်ရှင်မျိုးစုံကို သင်ယူသလို၊ လမ်းမဘေးက အင်္ကျီဆိုင်တွေဆီကနေလည်း သင်ယူပါတယ်။ အမှန်တော့ အဲ့ဒီအင်္ကျီဆိုင်တွေက သင့်ကို အဝတ်အစားအသစ်တွေ ဝယ်ယူချင်လာအောင် ဆွဲဆောင်နေတာပါ။
၃။ အွန်လိုင်းပေါ်က
Photo Source: www.shethepeople.tv
အွန်လိုင်းပေါ်မှာ မော်ဒယ်ချောချောလေးတွေ၊ မင်းသမီးလေးတွေ ဝတ်စားထားတဲ့ ဖက်ရှင်ဒီဇိုင်းတွေကို ဂရုတစိုက်လိုက်ကြည့်မိရင်း သင့်မသိစိတ်က မှတ်ထားပြီးတော့ လှလှပပလေးပြန်လည်ဝတ်ဆင်တတ်အောင် အသုံးချလိုက်ပါတယ်။ တစ်ခါတစ်လေမှာလည်း ဖက်ရှင်မဂ္ဂဇင်းတွေကနေလည်း လေ့လာနိုင်ပါသေးတယ်။
၄။ ဓာတ်ပုံအဟောင်းတွေက
Photo Source: www.ladoyennevintage.com
သင့်အဘိုးအဘွား၊ အဖေအမေရဲ့ ဓာတ်ပုံဟောင်းလေးတွေကို သတိတရနဲ့ ပြန်လည်ထုတ်ကြည့်တဲ့အခါ သူတို့ခေတ်တုန်းက ဘယ်လိုဝတ်စားဆင်ယင်သလဲဆိုတာ လေ့လာနိုင်ပါသေးတယ်။ ဖက်ရှင်ရေစီးကြောင်းက အမြဲတမ်း တစ်ပတ်လည်နေတာပါ။ ဥပမာ အခုတလောခေတ်စားနေတဲ့ ပုလဲရှန်လေးတွေက ဟိုးတစ်ချိန်တုန်းက ခေတ်စားခဲ့တဲ့ အင်္ကျီစလေးတွေပါပဲ။
၅။ ရုပ်ရှင်တွေထဲက
Photo Source: www.soompi.com
ကိုရီးယားရုပ်ရှင်တွေ ကြည့်တဲ့အခါ ကိုရီးယားမင်းသမီးလေးတွေ ဝတ်စားဆင်ယင်ထားပုံတွေကိုလည်း အတုခိုးလို့ရပါတယ်။ ဥပမာ- အတွင်းရေးမှူးမလေး ကင်မီဆိုဝတ်တဲ့ ဂါဝန်လေးတွေဆိုလည်း အွန်လိုင်းရှော့ပင်းမှာ နာမည်ကြီးသွားပါသေးတယ်။
၆။ စာသင်ခန်းထဲမှာ
Photo Source: www.designshare.com
ယူနီဖောင်းဝတ်ရတဲ့ တက္ကသိုလ်တွေမှာဆိုရင်တော့ အင်္ကျီဒီဇိုင်းလေးတွေကို လိုက်လံအကဲခတ်လို့ရပါတယ်။ ယူနီဖောင်းမဝတ်ရတဲ့ တက္ကသိုလ်ဆိုရင်တော့ အရောင်အသွေးစုံလင်လှတဲ့ ဝတ်စားဆင်ယင်ပုံတွေကို သင်ယူနိုင်တာမို့လို့ ဖက်ရှင်လိုက်စားတဲ့သူတွေအတွက်တော့ ပိုပြီးအဆင်ပြေတာပေါ့။
ကဲ စာဖတ်နေတဲ့ ပျိုမေလေးတွေရော အခုပြောသွားတဲ့ နေရာလေးတွေကနေ ဖက်ရှင်လေ့လာလို့ရတယ်ဆိုတာကို ထောက်ခံပါသလား။ အမြင်လေးတွေလည်း ပြောကြည့်သွားကြဦးနော်။