Underwear ဆိုတာက တခြားဖက်ရှင်စတိုင်လ်တွေလိုမဟုတ်ဘဲ ပွင့်ပွင့်လင်းလင်း ပေါ့ပေါ့ပါးပါး ထုတ်ဖော်ပြောဆိုဖို့အတွက် နည်းနည်း Sensitive ဖြစ်တတ်တဲ့ ခေါင်းစဥ်တစ်မျိုးပါ။ ဖက်ရှင်ကျွမ်းကျင်ရှင်တွေ သို့မဟုတ် မဂ္ဂဇင်းတွေမှာ ကြည့်မယ်ဆိုရင်လည်း တခြားဖက်ရှင်တွေနဲ့ ပတ်သက်ပြီးလို့သာ ဘယ်လိုဝတ်ဆင်သင့်တယ်၊ ဘယ်လိုရွေးချယ်ရမယ် စသဖြင့် အမျိုးမျိုး ရေးသားပြောဆိုတတ်ကြပေမယ့်လည်း ဘရာ သို့မဟုတ် အောက်ခံဘောင်းဘီတွေကို နည်းမှန်လမ်းမှန်နဲ့ ဘယ်လိုဝတ်ဆင့်သင့်တယ်ဆိုတာမျိုးကိုတော့ ပြောတာနည်းပါးလှပါတယ်။

ဒါကြောင့်မို့ ဒီနေ့မှာတော့ MyStyle Myanmar ရဲ့ စာဖတ်ချစ်ပျိုမေလေးတွေအတွက် မမှားသင့်တာမမှားရအောင်၊ သတိလက်လွတ်ဖြစ်သွားတာမျိုးတွေ မရှိစေဖို့အတွက် Underwear နဲ့ပတ်သက်ပြီး သတိထားရမယ့် အချက်လေးတွေကို ရွေးထုတ်ဖော်ပြပေးသွားမှာဖြစ်ပါတယ်။

Underwear ကို လုံးဝလူမမြင်စေသင့်ဘူး

တချို့အမျိုးသမီးတွေက ကိုယ်သွားရမယ့်ပွဲက အရေးကြီးတဲ့ ပွဲလမ်းသဘင်မျိုးဆိုရင် ကိုယ်ကျပ်ဝတ်စုံတွေဝတ်ထားချိန်မှာ လှပကျော့ရှင်းပြီး Confident အပြည့်ရှိနေစေဖို့ အောက်ကနေပြီး Shapewear တွေကို ရွေးချယ်ဝတ်ဆင်တတ်ကြပါတယ်။ ဒီလိုဝတ်ဆင်ချိန်မှာ ကိုယ်အောက်က ဝတ်ထားတဲ့ Shapewear ကို လူမြင်ကွင်းမှာ ပေါ်မလာစေအောင်တော့ သတိကြီးကြီး ထားရပါမယ်။ ဥပမာ Shapewear ဝတ်ထားချိန်တွေမှာဆို Wrap Dress သို့မဟုတ် စကပ်အတိုတွေ မဝတ်မိအောင် သတိထားသင့်ပါတယ်။

တအားကြပ်တာမျိုးတွေလည်း မဝတ်သင့်ဘူး

ကိုယ့်ခန္ဓာကိုယ်အချိုးအစားကို ပိုပေါ်စေဖို့နဲ့ ပိန်တဲ့အသွင်ပေါ်စေဖို့တို့အတွက် Shapewear ကို တအားသေးလွန်းတာမျိုးတွေကို ဝတ်တတ်ကြတာမျိုးက အမှားတစ်ခုပါ။ ကပ်ကပ်ရပ်ရပ်ဖြစ်တာက ကိစ္စမရှိပေမယ့်လည်း တအားကြီးကြပ်သွားမယ်ဆိုရင် ခန္ဓာကိုယ်မှာ အဆီအထစ်ထစ်တွေ ဖြစ်သွားစေနိုင်ပါတယ်။

အောက်ခံဘောင်းဘီအရာ ထင်းပြီးပေါ်နေတာ

ကိုယ်ဝတ်မယ့် အကျီအဝတ်အစားရဲ့ အသားအမျိုးအစားပေါ် မူတည်ပြီးတော့လည်း အတွင်းခံတွေကို ရွေးချယ်ဝတ်ဆင်ရမှာဖြစ်ပါတယ်။ မဟုတ်ရင် ကိုယ်ဝတ်တဲ့အောက်ခံဘောင်းဘီက တအားတင်းကြပ်နေချိန် အပေါ်ကလည်း အကပ်သားထပ်ဝတ်လိုက်မယ်ဆိုရင်တော့ ဘောင်းဘီအရာက အထင်းသားပေါ်နေပါလိမ့်မယ်။

လေ့ကျင့်ခန်းလုပ်ချိန်တွေဆို ပုံမှန်ဘရာဇီယာတွေ မဝတ်သင့်ဘူး

ကိုယ့်ရဲ့ဘရာက ဘယ်လောက်ပဲ သက်တောင့်သက်သာရှိတယ်ဆိုပါစေ ကိုယ်လက်လှုပ်ရှား လေ့ကျင့်ခန်းလုပ်နေချိန်မှာတော့ လုံးဝ မဝတ်ဆင်သင့်ပါဘူး။ ခန္ဓာကိုယ်က လှုပ်ရှားနေချိန်မှာ ဘရာရဲ့ အောက်ခံ Underwire ရယ် နောက်ချိတ်တွေရယ်နဲ့ ဘရာကြိုးတွေက ချွေးထွက်နေတဲ့အသားနဲ့ ပွတ်တိုက်နေမှာဖြစ်လို့ ပေါ့ပေါ့ပါးပါးရှိပြီး လုံခြုံမှုရှိတဲ့ အားကစားဘရာတွေကိုပဲ ဝတ်ဆင်ပေးသင့်ပါတယ်။

Source: BrightSide