ခန္ဓာကိုယ် ပိန်ပိန်ပါးပါးနဲ့ ခါးသေးသေးလေးတွေဆိုရင် ကိုးရီးယား Idol တွေကို ပြေးမြင်မိကြမှာပါ။ Kpop Idol တွေက အစားအသောက်ကို ဂရုစိုက်တဲ့အပြင် အားကစားကိုပါ ပုံမှန်လုပ်ကြပါတယ်။ Idol တွေက အားကစား အပြင် ကခုန်တာပါ ပေါင်းလိုက်တဲ့အခါ မိန်းကလေးတိုင်းရဲ့ Body Goal ဖြစ်တဲ့ အဆီပိုမရှိတဲ့ ခန္ဓာကိုယ်ကို ပိုင်ဆိုင်သွားကြပါတော့တယ်။ ဒီ Idol တွေထဲ Twice အဖွဲ့ဝင် Tzuyu လည်း ပါဝင်ပါတယ်။ Tzuyu ရဲ့ ခါးဆိုဒ်က 23 Inches ရှိပြီး အရပ် ငါးပေ ခြောက်လက်မရှိပါတယ်။ သင်က Tzuyu လို ခါးသေးသေးလေး ပိုင်ဆိုင်ချင်ရင်တော့ ဒီလေ့ကျင့်ခန်းတွေကို ပြုလုပ်နိုင်ပါတယ်။

၁။ Side Plank Dip + Elbow to Knee Crunch

Photo Source: Popsugar, Gfycat

အပေါ် လေ့ကျင့်ခန်းနှစ်ခုကို ပေါင်းလုပ်ပေးရပါမယ်။ တံတောင်နဲ့ ဘေးဘက်ထောက်ပြီး ခါးကို အပေါ် ပင့်တင်ပေးရပါမယ်။ အပေါ် ရောက်တဲ့အချိန် Elbow to Knee Crunch လုပ်ပေးရမှာပါ။ တံတောင်နဲ့ ဒူးထိအောင် လုပ်ပေးရပါမယ်။ တံတောင်နဲ့ ဒူးထိပြီး နဂို အနေအထား ရောက်မှ တစ်ကြိမ်ပြည့်မှာပါ။ အခါ ၂၀ စာ လေးကြိမ်လုပ်ရပါမယ်။

၂။ Oblique Crunch

Photo Source: Pinterest

အိပ်လျက်အနေအထားနဲ့ ခန္ဓာကိုယ်ကို တစ်ဝက် မြေကြီးနဲ့ ထိကာ ကျန်တစ်ဝက်ကို မထိဘဲ နေပေးရပါမယ်။ ပြီးနောက် ဒီအနေအထားနဲ့ ဒူးကို အပေါ်မြှောက်ပေးရပါမယ်။ ရင်ဘတ်နဲ့ ဒူးထိတဲ့အထိ ခြေထောက်ကို ဆန့်ကာ မြှောက်ပေးရပါမယ်။ တစ်ဘက်ဆီကို အခါ ၂၀ နဲ့ လေးကြိမ်လုပ်ရပါမယ်။

၃။ Knee to elbow in forearm plank

Photo Source: Pinterest

Plank ထောက်တဲ့အနေအထားအတိုင်း ထောက်ထားကာ ခြေထောက်ကို တစ်လှည့်စီ တံတောင်နဲ့ထိအောင် ကွေးပေးရပါမယ်။ တစ်ဘက်ကို တစ်ခါလို့ ယူပေးရပါမယ်။ အခါ ၄၀ လေးကြိမ် လုပ်ရပါမယ်။

၄။ Crunch with rotation

Photo Source: BodyBuilding Step

အိပ်ကာ ဒူးထောင်ထားရပါမယ်။ အိပ်ထမတင်ပုံစံ အိပ်ရာက ခန္ဓာကိုယ်ကို အပေါ်ပင့်တင်ရပါမယ်။ ပင့်တင်တဲ့အချိန် ပုံထဲကလို ခန္ဓာကိုယ်ကို တစ်ဘက် စောင်းပေးရပါမယ်။ ပြီးနောက် နဂိုအနေအထားအတိုင်း ပြန်သွားကာ ပြန်ထတဲ့အချိန် နောက်တစ်ဘက် စောင်းပေးရပါမယ်။ အခါ ၄၀ လေးကြိမ် လုပ်ရပါမယ်။

၅။ Heel Touch

Photo Source: Pinterest

အိပ်လျက် အနေအထားနဲ့ လက်နှစ်ဘက်ကို ဘေးဆန့်ထားရပါမယ်။ ဆန့်ထားတဲ့လက်ကို ဘယ်ညာ တစ်လှည့်ဆီ ဖနောင့်နဲ့ ထိပေးရပါမယ်။ ဒီလေ့ကျင့်ခန်းကို ၁ မိနစ် စာ လေးကြိမ် လေးမိနစ် လုပ်ရပါမယ်။ ပခုံးကို မ ထားပေးဖို့တော့ လိုပါမယ်။

၆။ Plank Twist

Photo Source: Tenor

Plank အနေအထားအတိုင်း နေကာ ခန္ဓာကိုယ်ကို ဘယ်ညာ လှိမ်ပေးရပါမယ်။ ဒါကိုလည်း ၁ မိနစ် စာ လုပ်ပေးရပါမယ်။ လေးမိနစ်ပြည့်အောင် လုပ်ရပါမယ်။

By MyStyle Myanmar