Kpop ပရိသတ်တော်တော်များများကတော့ ယုန်သွားလေးတွေနဲ့ ချစ်စရာကောင်းတဲ့ အဆိုတော်မလေး Nayeon ကို ရင်းနှီးပြီးသားဖြစ်မှာပါနော်။ ၂၀၁၅ ခုနှစ်မှာ Sixteen ဆိုတဲ့ ပြိုင်ပွဲကတစ်ဆင့် Twice အဖွဲ့ဝင်အနေနဲ့ ပွဲဦးထွက်ခဲ့ပြီး လက်ရှိမှာ ‘Im Nayeon’ ဆိုတဲ့ တစ်ကိုယ်တော် Album တစ်ခုကိုပါ ထွက်ရှိထားသူဖြစ်ပါတယ်။
Twice အဖွဲ့ရဲ့ အသက်အကြီးဆုံးနဲ့ Center တစ်ယောက်ဖြစ်တဲ့သူမကိုတော့ လူကောင်သေးသေး၊ ပါးဖောင်းဖောင်းလေးတွေနဲ့ ချစ်စရာကောင်းတဲ့အသွင်အပြင်ကြောင့် ပရိသတ်တွေကြား လူကြိုက်များပါတယ်။
နာမည်အပြည့်အစုံက Im Na Yeon ဖြစ်ပြီး ၁၉၉၅ ခုနှစ်မှာမွေးဖွားခဲ့တာမို့ အသက် ၂၇ နှစ်ရှိပါပြီ။ ငယ်စဉ်ကတည်းက အနုပညာပိုင်းကို ဝါသနာပါခဲ့ပြီး ကလေးမော်ဒယ်ပြိုင်ပွဲတစ်ခုမှာ ဝင်ပြိုင်ခဲ့ဖူးပါတယ်။ ၂၀၂၁ ခုနှစ်ကစပြီး လက်ဝတ်ရတနာ Brand နဲ့ အလှအပ Brand တစ်ခုရဲ့ ကိုယ်စားပြုမော်ဒယ်အဖြစ် လုပ်ကိုင်ခဲ့ကာ နာမည်ကြီး မဂ္ဂဇင်းတော်တော်များများရဲ့ မျက်နှာဖုံး Model အဖြစ်လည်း ပါဝင်ခဲ့သူဖြစ်တာမို့ ဖက်ရှင်ပိုင်းနဲ့ မစိမ်းတဲ့သူတစ်ယောက်ဆိုရင်လည်း မမှားပါဘူး။
Nayeon ဟာ အရပ် ၅ ပေ ၄ လက်မရှိတဲ့ သူမအရပ်နဲ့ လိုက်အောင် ချစ်စရာကောင်းတဲ့ ဖက်ရှင်လေးတွေ ဝတ်တတ်သူပါ။ သူမဝတ်တတ်တဲ့စတိုင်လေးတွေက ခါးသွယ်ပြီး လူကောင်သေးတဲ့သူတွေနဲ့ လိုက်ဖက်စေမှာဖြစ်လို့ ဒီတစ်ခေါက်မှာ ပျိုမေတို့လိုက်ဝတ်နိုင်မယ့် Nayeon ရဲ့ ဖက်ရှင်အတွဲအစပ် Outfit လေးတွေကို မျှဝေပေးလိုက်ပါတယ်။
Photo Source: Pinterest
By MyStyle Myanmar