လူငယ်ကောင်မလေးတွေလိုက်ဝတ်လို့ရတဲ့ Twice Mina ရဲ့ ချစ်ဖို့ကောင်းတဲ့ဖက်ရှင်များ

လူငယ်ကောင်မလေးတွေလိုက်ဝတ်လို့ရတဲ့ Twice Mina ရဲ့ ချစ်ဖို့ကောင်းတဲ့ Airport ဖက်ရှင်လေးတွေကို မျှဝေပေးလိုက်ပါတယ်။ Kpop ဖက်ရှင်လေးတွေ၊ လူငယ်ဆန်တာလေးတွေ ကြိုက်တယ်ဆိုရင်တော့ ရိုးရိုးလေးနဲ့ချစ်ဖို့ကောင်းတဲ့ ဒီဖက်ရှင်လေးတွေကို ဝတ်ကြည့်သင့်ပါတယ်။ Mina က ပုပုသေးသေးလေးဖြစ်တာကြောင့် အရပ်ပုတဲ့ကောင်မလေးတွေ၊ လူကောင်သေးတဲ့ ကောင်မလေးတွေဆိုရင် Mina ဝတ်တဲ့ ဖက်ရှင်လေးတွေနဲ့ အရမ်းလိုက်မှာပါ။

ဂျင်းစကပ်အမဲ (သို့) Leather စကပ်အမဲလေးကို တီရှပ်အမဲလေးနဲ့တွဲဝတ်ပြီး နီညိုရောင်ဂျာကင်လေး ထပ်ဝတ်ထားတာကြောင့် ရိုးရိုးလေးနဲ့ အရောင်ကော၊ ဖက်ရှင်ကောက ချစ်ဖို့ကောင်းနေပါတယ်။

အရောင်နဲ့စကပ်လေးကို Floral shirt လေးနဲ့တွဲဝတ်ထားတဲ့ ဒီဖက်ရှင်လေးဆိုရင် လူငယ်ဆန်ပြီး ရိုးရိုးလေးနဲ့ ချစ်ဖို့ကောင်းပါတယ်။

Hoodie အပွလေးဝတ်မယ်ဆိုရင် လူကောင်သေးတဲ့ကောင်မလေးတွေနဲ့၊ အရပ်ပုတဲ့ကောင်မလေးတွေက Mina လိုမျိုး ဘောင်းဘီတိုလေးနဲ့ တွဲဝတ်ပြီး Sneakers လေးစီးပါ။ လူငယ်ဆန်ပြီး အရမ်းချစ်ဖို့ကောင်းပါတယ်။

ဂျင်းဘောင်းဘီအတိုလေးကို အင်္ကျီလက်ရှည်အမဲလေးနဲ့ တွဲဝတ်ထားတာဆိုရင် အမြင်လည်းမရိုင်းပဲ မိန်းကလေးဆန်ဆန်လေးနဲ့ ချစ်ဖို့ကောင်းပါတယ်။

လုံးဝကို Freestyle လေးဝတ်ချင်ရင် Mina လိုမျိုး ဂျင်းဘောင်းဘီအတိုလေးကို တီရှပ်အဖြူလေးနဲ့သာတွဲဝတ်ပါ။ ပူပြင်းတဲ့ရာသီဥတုအတွက်လည်း အံကိုက်ပါပဲ။

ဂျင်းဘောင်းဘီအတိုလေးတွေကို လက်ရှည်အင်္ကျီအပွလေးတွေနဲ့ တွဲဝတ်ရင်လည်း ချစ်ဖို့ကောင်းပါတယ်နော်။

အရပ်ပုတဲ့ကောင်မလေးတွေ၊ လူကောင်သေးတဲ့ကောင်မလေးတွေက ဂျင်းဘောင်းဘီအရှည်ဝတ်မယ်ဆိုရင် Mina ဝတ်ထားသလို ခြေမျက်စိအထက်နားရောက်တဲ့ ဂျင်းဘောင်းဘီအရှည်လေး ဝတ်ကြည့်ပါ။ ပိုပြီးလိုက်ဖက်ပါတယ်။