ပခုံးကြောတွေနာပြီးတင်းမာနေတာမျိုး ဖြစ်နေတဲ့သူတွေလုပ်သင့်တဲ့ ယောဂကျင့်စဉ်များ

ပခုံးကြောတွေနာပြီး တင်းမာနေတာမျိုးဖြစ်နေရင်၊ ဇာတ်ကြောတက်နေရင် နေရထိုင်ရတာ အဆင်မပြေဖြစ်တတ်ပါတယ်။ ထိုင်းမှိုင်းနေသလို ခံစားရစေပါတယ်။ တချို့ကျတော့လည်း ဒီလိုဖြစ်ရင် အနှိပ်ခံလေ့ရှိပါတယ်။ ဒါကြောင့် အနှိပ်ခံနေစရာလည်းမလိုပဲ သက်သာသွားအောင် ပခုံးကြောတွေနာပြီး တင်းမာနေတာမျိုး ဖြစ်နေတဲ့သူတွေလုပ်သင့်တဲ့ ယောဂကျင့်စဉ်တွေကို မျှဝေပေးလိုက်ပါတယ်။

Mountain pose

ခါးကိုမတ်၊ ပခုံးကြောတွေကိုဆန့်ပြီးတော့ ပုံမှန်လုပ်ပြထားတဲ့အတိုင်း လက်နှစ်ဖက်ကို နည်းနည်းကားပြီး နေပေးပါ။ အဲ့အတိုင်း စက္ကန့် ၃၀ မှ ၁ မိနစ်အထိ နေပေးရမှာပါ။

Cow face pose

ပုံမှာလုပ်ပြထားတဲ့အနေအထားအတိုင်း လက်နဲ့ခြေထောက်ပုံစံကို ဘယ်ညာတစ်လှည့်စီ လုပ်ပေးရမှာပါ။ တစ်ခါလုပ်ရင် စက္ကန့် ၃၀ နေပေးပါ။ အချိန်ပြည့်ရင် ဘယ်ညာပြောင်းပြီး ထပ်လုပ်ပါ။

Cat-cow stretch

ပုံမှာလုပ်ပြထားတဲ့အတိုင်း ပခုံးနဲ့ကျောကို ကုန်းလိုက်၊ ပြန်ဆန့်လိုက်နဲ့ လုပ်ပေးရမှာပါ။ အနေအထား ၂ မျိုးလုံးလုပ်ပြီးမှ ၁ ကြိမ်လို့ သတ်မှတ်ရပါမယ်။ စုစုပေါင်း အကြိမ် ၂၀ လုပ်ပေးရပါမယ်။

Seated forward bend

ခြေထောက်နှစ်ချောင်းကို ဆန့်ထားပြီးတော့ အရှေ့ကို ကုန်းနိုင်သလောက် ကုန်းပေးပါ။ နဖူးက ဒူးနဲ့ထိအောင် လုပ်နိုင်လေ ကောင်းလေပါပဲ။ အဲ့အတိုင်း အရှေ့ကိုကုန်းလိုက်၊ ခါးပြန်မတ်လိုက်နဲ့ အနည်းဆုံး ၁ မိနစ်လုပ်ပေးပါ။

Half lord of the fishes pose

ပုံမှာလုပ်ပြထားတဲ့ အနေအထားအတိုင်း ၁၅ စက္ကန့်နေပြီး အချိန်ပြည့်ရင် ဘယ်ညာပြောင်းလုပ်ပါ။ အဲ့အတိုင်း တစ်ခါလုပ်ရင် ၁၅ စက္ကန့်နေပြီး ဘယ်ညာတစ်လှည့်စီ တစ်ဖက်ကို ၁၅ ကြိမ်စီ လုပ်ပေးပါ။

Child’s pose

Child’s pose အနေအထားနဲ့ စက္ကန့် ၃၀ နေရပါမယ်။ အချိန်ပြည့်ရင် ခါးပြန်မတ်ပါ။ ပြီးရင် ထပ်လုပ်ပါ။ တစ်ခါလုပ်ရင် စက္ကန့် ၃၀ နေပေးပြီး ၃ ကြိမ် အနည်းဆုံး လုပ်ပေးရပါမယ်။