Real Friend နဲ့ Fake Friend ရဲ့ ကွာခြားချက်

သူငယ်ချင်းတွေထဲမှာမှ ဘယ်သူက ကိုယ့်အပေါ်တကယ့်စိတ်ရင်းမှန်နဲ့ခင်တဲ့ Real Friend လဲ၊ ဘယ်သူကတော့ ကိုယ့်အပေါ်စိတ်ရင်းနဲ့မခင်ပဲ ဟန်ဆောင်ပေါင်းနေတဲ့ Fake Friend လဲဆိုတာ သူတို့ရဲ့ပုံစံကို ကြည့်တာနဲ့တင် သိနိုင်ပါတယ်။ တချို့ကျတော့လည်း မသိပဲ ခံနေရတာတွေ ရှိပါတယ်။ ဒါကြောင့် ကွဲကွဲပြားပြားသိပြီး ရှောင်လို့ရအောင် Real Friend နဲ့ Fake Friend ရဲ့ ကွာခြားချက်တွေကို ယှဉ်ပြီးပြောပြပေးလိုက်ပါတယ်။

Real Friend ကတော့ သင်လိုအပ်တဲ့အချိန်တိုင်း၊ ကျရှုံးတဲ့အချိန်တိုင်းမှာ အဆင်သင့်ရှိနေမှာဖြစ်ပြီး Fake Friend ကတော့ သင်အောင်မြင်နေတဲ့အချိန်မှာပဲ သင့်နားကပ်နေမှာပါ။

Real Friend က သင်အကူအညီလိုတဲ့အခါ တတ်နိုင်သလောက် ကူညီပေးဖို့ အဆင်သင့်ရှိနေပြီး Fake Friend ကတော့ ကူညီပေးဖို့နေနေသာသာ ရှောင်ထွက်သွားပါလိမ့်မယ်။

Real Friend ကတော့ သင့်ကို အချိန်မရွေးစိတ်ချမ်သာ ပျော်ရွှင်အောင် လုပ်ပေးနိုင်တဲ့ သူငယ်ချင်း ဖြစ်ပါလိမ့်မယ်။ Fake Friend ကတော့ သင့်ကို လိုမှလာခေါ်မယ်၊ မလိုရင် မခေါ်တဲ့အတွက် အထီးကျန်မှုပဲ ပေးပါလိမ့်မယ်။ ကောင်းကျိုးမပေးတဲ့သူမျိုးပေါ့။

Real Friend ကတော့ သင့်ရဲ့စိတ်ညစ်စရာတွေကို နားထောင်ပေးပြီး အကြံပေးမယ်၊ လျှို့ဝှက်ချက်တွေကိုလည်း လျှောက်မပြောပဲ နှုတ်လုံပေးမယ်။ အားနည်းချက်တွေရှိရင် အားမငယ်အောင် အားပေးမယ်။ ဖေးမကူညီမယ်။ Fake Friend ကျတော့ ပါးစပ်ဖွာပြီး လျှောက်ပြောမယ်။ အားနည်းချက်ကိုသိသွားရင် အခွင့်ကောင်းယူတာမျိုးတွေ လုပ်ပါလိမ့်မယ်။ ရှေ့တစ်မျိုး ကွယ်ရာတစ်မျိုးလည်း လုပ်တတ်ပါတယ်။

photo source: www.freepik.com