သင့်ရဲ့ ဖက်ရှင်တွေ OutDated Look မဖြစ်စေဖို့ နည်းလမ်းလေးတွေ

လူတစ်ယောက်နဲ့တစ်ယောက် စပြီးတွေ့တဲ့အခါ ပထမဆုံး Impression က အရေးကြီးသလို နောက်ဆုံး Impression ကလည်း အရေးကြီးပါတယ်။ ဒါ့ကြောင့် သင့်ရဲ့ ဖက်ရှင်၊ ဝတ်ပုံစားပုံက သိပ်ကို အရေးပါလှပါတယ်။ ကိုယ်သွားမယ့်နေရာဒေသနဲ့ လိုက်ဖက်အောင် ဝတ်စားဆင်ယင်တတ်ဖို့ လိုအပ်ပါတယ်။ သင့်ရဲ့ဖက်ရှင်တွေကို OutDated မဖြစ်စေဘဲ အမြဲတမ်း သစ်လွင်နေစေမယ့် နည်းလမ်းတချို့ကို မျှဝေပေးချင်ပါတယ်။

အလွန်အမင်း Sexy ကျတဲ့ အဝတ်အစားတွေကို ရှောင်ပါ

မီနီစကတ် တိုတို ကြပ်ကြပ်တွေဟာOutdated ဖြစ်နေပါပြီ။ အဲဒီလို စကတ်တိုတိုကြပ်ကြပ်ကို ဒေါက်ဖိနပ်နဲ့ တွဲဝတ်တာမျိုးကလည်း သိပ်ပြီးခေတ်မစားတော့ပါဘူး။ ဒီနေ့ခေတ်ဖက်ရှင်ရေစီးကြောင်းက နည်းနည်းချောင်တဲ့ ပွတဲ့ စကတ်ကို ဝတ်ဆင်လာကြပြီး တိုတိုလေးထက် ဒူးဖုံးတဲ့ စကတ်တွေခေတ်စားနေတာပါ။

ဒေါက်ဖိနပ်ပဲ အမြဲဝတ်နေတာ ဖက်ရှင်မကျတော့ပါဘူး

အမြဲလိုလို ဒေါက်ဖိနပ်ပဲ ဝတ်နေမှ လှမယ်ဆိုတဲ့ အတွေ့ကို ထားခဲ့လိုက်ပါတော့။ ဒေါက်ဖိနပ်ခေတ်မစားတော့ပါဘူး။ အခုဆို ဒေါက်နည်းနည်းပါတဲ့ (သို့) ရှုးဖိနပ်ပါးပါးပဲ ခေတ်စားနေတာပါ။

ကိုယ်ဝတ်မယ့် Accessories ပစ္စည်းတွေနဲ့ အရောင်တူလိုက်မဝတ်ပါနဲ့

ရှူးဖိနပ်၊ အကျီ ၤအရောင်၊ အိတ်၊ ဦးထုပ် စတဲ့ ကိုယ်ဝတ်မယ့် အဝတ်အစားနဲ့ Accessories ပစ္စည်းတွေကို အရောင်တူ လိုက်ဝတ်တာမျိုးက ဖက်ရှင်မကျတော့ပါဘူး။ မတူတဲ့ အရောင်လေးတွေ၊ ဒီဇိုင်းလေးတွေကို တွဲဖက်ဝတ်ဆင်တာမျိုး အခုခေတ်စားနေတာပါ။

ရွှေနဲ့ တန်ဖိုးကြီး လက်ဝတ်လက်စားများ

ရွှေဆွဲကြိုး၊ လက်ကောက်၊ လက်စွပ်တွေ ပြူးပြူးပြဲပြဲဝတ်တာမျိုးက ခေတ်နောက်ကျကျန်ခဲ့ပါပြီနော်။ အဲဒီအစား Pink Gold လေးတွေ၊ ဖန်စီဆန်ဆန် လက်ဝတ်လက်စား အသေးလေးတွေက ခေတ်စားနေပါပြီ။

ချက်အောက်ဘောင်းဘီတွေ ခေတ်မစားတော့ပါဘူး