အသက်ငယ်တုန်းမှာ တစ်ကြိမ်လောက်တော့ ဆိုးကြည့်သင့်တဲ့ ဆံပင်ကာလာဆန်းဆန်းလေးများ

မင်္ဂလာပါ ပျိုမေတို့ရေ။ ငယ်ရွယ်တဲ့အချိန်က ပြန်မရတာမို့ အသက်ငယ်တုန်းမှာ ကိုယ့်ပုံစံကိုယ် စိတ်ကြိုက်ပြောင်းလဲကြည့်ဖို့ တွေဝေမနေသင့်ပါဘူးနော်။ အနည်းဆုံးတော့ ကိုယ်လိုချင်တဲ့ ဆံပင်ကာလာလေးပြောင်းတာက သင့်ကို စိတ်သစ်ကိုယ်သစ်ဖြစ်ပြီး ယုံကြည်မှုလည်း ပိုတိုးစေမှာပါ။ ဒါ့အပြင် ငယ်ရုပ်မပျောက်သေးတဲ့အချိန်က အရောင်တောက်တောက်လေးတွေဆိုးလည်း ကြည့်ကောင်းတာမို့ Try ကြည့်တာ မမှားပါဘူး။ ဒီတော့ စိတ်ဝင်စားတဲ့ပျိုမေတို့အတွက် အသက်ငယ်တုန်း ပြောင်းကြည့်သင့်တဲ့ ဆံပင်အရောင် လှလှလေးတွေကို ဖော်ပြပေးလိုက်ပါတယ်။ အခုခေတ် လူငယ်မိန်းကလေးတွေကြား အရမ်းခေတ်စားသလို အသားညိုသူ၊ ဖြူသူမရွေး လိုက်ဖက်ပြီး ထင်းနေစေမယ့် ကာလာလေးတွေဖြစ်လို့ ဒီထဲက တစ်ရောင်လောက်ရွေးပြီး ဆိုးကြည့်လိုက်ပါနော်။

Copper အရောင်

အသားအရမ်းဆောင်တဲ့ ကာလာလေးဖြစ်ပြီး လူငယ်ကောင်မလေးတော်တော်များများကြိုက်ကြပါတယ်။ ရွှေအိုရောင်ဘက်သွားပြီး နေရောင်ထဲမှာ အနီသမ်းတဲ့ဒီအရောင်လေးက ထူးထူးခြားခြားနဲ့ မျက်နှာလေးလင်းစေမှာပါ။

Rose Gold အရောင်

ပန်းရောင်ဖျော့ဖျော့လေးလင်းတဲ့ Rose Gold အရောင်လေးကလည်း မိန်းကလေးဆန်ပြီး အရုပ်ကလေးလို ချစ်စရာကောင်းစေမှာပါ။