မကြာသေးခင်ကမှ ရုံတင်ပြသသွားခဲ့ပြီး အောင်မြင်မှုတွေရရှိခဲ့တဲ့ Barbie ဇာတ်ကားထဲမှ Margot Robbie ရဲ့ ဇာတ်ကောင်ဟာဆိုရင် မိန်းကလေး ယောကျ်ားလေးတွေကြားထဲမှာ ပန်းရောင်နဲ့ ဘာဘီတစ်ခေတ်ကို ပြန်ပြီး ဖြစ်လာစေခဲ့ပါတယ်။
ငယ်ငယ်တုန်းက မိန်းကလေးတွေအနေနဲ့ ဘာဘီဆိုတာကို ကာတွန်းကားတွေထဲမှာပဲကြည့်၊ အရုပ်ကလေးတွေနဲ့ ဆော့ခဲ့တာနဲ့ အိမ်မက်တစ်ခုလိုဖြစ်ခဲ့ပေမယ့်လည်း အပြင်ဇာတ်ကောင်တစ်ခုဖြစ်လာအောင်လို့ Margot Robbie ကိုယ်တိုင်ကပဲ ထုတ်လုပ်သူအနေနဲ့ ရင်းနှီးပြီး ထုတ်လုပ်ရိုက်ကူးခဲ့တာလည်းဖြစ်ပါတယ်။
‘Barbie’ ဇာတ်ကားထဲမှာ မင်းသား Ryan Gosling နဲ့ အတွဲညီညီ သရုပ်ဆောင်နိုင်ခဲ့တာထက် သူမရဲ့ဖက်ရှင်ဒီဇိုင်းလေးတွေ၊ မိတ်ကပ်အပြင်အဆင်လေးတွေကြောင့် မိန်းကလေးအများစု သဘောကျနှစ်ခြိုက်ခဲ့ကြတာပါ။
ယခင်သရုပ်ဆောင်နေကျ ဇာတ်ရုပ်များနှင့် တမူကွဲပြားပြီး ဘာဘီကာရိုက်တာအတိုင်း ပန်းရောင်တွေကိုချည်း အသားပေးဝတ်ဆင်ထားတဲ့ Margot Robbie ဟာဆိုရင် ဖက်ရှင် Icon တစ်ယောက်လည်းဖြစ်ပါတယ္။
ဒါကြောင့် ‘Barbie’ ဇာတ်ကားထဲနဲ့ နိုင်ငံတကာလှည့်ပြီး သွားရောက်လည်ပတ်ခဲ့စဥ်တုန်းက ဝတ်ဆင်ခဲ့တဲ့ Margot Robbie ရဲ့ ဘာဘီဖက်ရှင်ဒီဇိုင်းလေးတွေကို စုစည်းဖော်ပြပေးလိုက်ရပါတယ်။
Image Source: Pinterest
