အဆီပြန်တတ်တဲ့အသားအရေပိုင်ရှင်တွေအတွက် အကောင်းဆုံး ကိုးရီးယား Moisturizer များ

အသားအရေအမျိုးအစားမရွေး Moisturizer အသုံးပြုပေးဖို့လိုပါတယ်။ အဆီပြန်တတ်တဲ့အသားအရေ ရှိသူတွေကတော့ Moisturizer ကိုမနက်ပိုင်းတစ်ကြိမ် ညအိပ်ရာမဝင်ခင်တစ်ကြိမ် အသုံးပြုပေးသင့်ပါတယ်။ Oily Skin နဲ့သင့်တော်တဲ့ Moisturizer တစ်မျိုးကိုပုံမှန်အသုံးပြုခြင်းက အရေပြားအဆီထုတ်လုပ်မှုပမာဏကို ထိန်းညှိပေးနိုင်ပြီး မကြာခဏအဆီပြန်ခြင်းကိုလည်း သက်သာလာစေပါတယ်။ ဒါကြောင့် ဒီတစ်ခေါက်မှာ အဆီပြန်သမားတွေနဲ့အဆင်ပြေတဲ့အပြင် ဈေးအသင့်အတင့်နဲ့အသုံးပြုနိုင်မယ့် ကိုးရီးယားနိုင်ငံထုတ် အကောင်းဆုံး Moisturizer တွေအကြောင်းကို မျှဝေပေးလိုက်ပါတယ်။

COSRX Hydrium Green Tea Aqua Soothing Gel Cream

Green Tea မှာအဆီပြန်သမားတွေဖြစ်တတ်တဲ့ ဝက်ခြံနဲ့အဆီဖုတွေကို သက်သာစေတဲ့ အာနိသင်ရှိပါတယ်။ ဒီ Moisturizer ကအဆီမပါဝင်တဲ့အပြင် ပေါ့ပေါ့ပါးပါးနဲ့စိမ့်ဝင်မှုအားကောင်းတဲ့ Gel Cream အမျိုးအစား ဖြစ်တာကြောင့် လိမ်းပြီးတဲ့နောက်မှာ မျက်နှာကိုရေဓာတ်ပြည့်ဝပြီး စိုစိုအိအိလေးဖြစ်စေမှာပါ။ Cooling Effect ပါဝင်တာကြောင့် ရာသီဥတုပူတဲ့အချိန်တွေမှာသုံးဖို့ အသင့်တော်ဆုံးပါပဲ။

Laneige Water Bank Moisture Cream

စေးကပ်ကပ်မဖြစ်ဘဲ တစ်နေကုန် တင်းတင်းရင်းရင်းနဲ့ အစိုဓာတ်ပြည့်ဝစေတဲ့ Moisturizer ဖြစ်ပါတယ်။ ရေဓာတ်ပါဝင်မှုများတာကြောင့် အသားအရေအမျိုးအစား တော်တော်များများနဲ့လည်း အဆင်ပြေစေတဲ့ တံဆိပ်ဖြစ်ပါတယ်။

Mamonde Floral Moisture Cream

ဒီ Moisturizer ကိုတော့ မျက်နှာအသားအရေနဲ့ ဆံသား အဆီပြန်ခြင်းကိုထိန်းပေးနိုင်တဲ့ ခေါင်ရန်းပန်းရဲ့ အဆီအနှစ်တွေနဲ့ ပေါင်းစပ်ထုတ်လုပ်ထားတာဖြစ်ပါတယ်။ အဆီပြန်သူတွေနဲ့အဆင်ပြေပြီး ပန်းရနံ့သင်းသင်းလေးနဲ့ အသားအရေကို တစ်နေကုန် စိုစိုတောက်တောက်လေးဖြစ်နေစေတဲ့ Moisturizer Cream တစ်မျိုးပါ။

Mizon All In One Snail Repair Cream

ဒီ Moisturizer မှာပါဝင်တဲ့ ခရုကောင်ရဲ့အချွဲက အသားအရေကိုရေဓာတ်ပြည့်ဝပြီး နုပျိုတင်းရင်းစေပါတယ်။ အဆီပြန်သူတွေအပြင် အခြားသောအသားအရေအမျိုးအစားတွေပါအသုံးပြုနိုင်ပြီး ဝက်ခြံအမာရွတ်၊ အမဲစက်နဲ့ အရေးအကြောင်းတွေကိုသက်သာစေပါတယ်။

ETUDE HOUSE Moistfull Collagen Cream

အမျိုးသမီးတွေမှာ အသက်အရွယ်ရလာတာနဲ့အမျှ အသားအရေအတွက်လိုအပ်တဲ့ Collagen ဓာတ်တွေ လျော့နည်းလာတတ်ကြပါတယ်။ ဒီစိမ့်ဝင်မှုအားကောင်းတဲ့ Collagen Cream က ဆုံးရှူံးသွားတဲ့ Collagen ဓာတ်ကိုဖြည့်တင်းပေးနိုင်တာကြောင့် အမြဲအစိုဓာတ်ပြည့်ပြီး နုပျိုတဲ့အသားအရေကိုရရှိစေမှာပါ။

TONY MOLY The Chok Chok Green Tea Watery Cream

တစ်နှစ်ကြာ အချဉ်ဖောက်ပြီးရလာတဲ့ သဘာ၀ Green Tea အဆီအနှစ်တွေနဲ့ ပြုလုပ်ထားတာကြောင့် အသားအရေအတွက်လိုအပ်တဲ့ အာဟာရဓာတ်နဲ့ Antioxidant တွေပါဝင်နေတဲ့ Moisturizer ဖြစ်ပါတယ်။ အဆီဖုထွက်ခြင်းနဲ့ အဆီပြန်ခြင်းကိုသက်သာစေပြီး မျက်နှာအစိုဓာတ်မျှတနေစေဖို့ ထောက်ပံ့ပေးနိုင်ပါတယ်။

Nature Republic Super Aqua Max

ဒီ လိမ်းရပေါ့ပါးတဲ့ Cream မှာတော့ အသားအရေကိုအားပြည့်စေပြီး နေလောင်ဒဏ်နဲ့ ပတ်ဝန်းကျင်ရဲ့ အညစ်အကြေးကပ်ခြင်းကနေ ကာကွယ်ပေးနိုင်တဲ့ အာနိသင်တွေပါဝင်နေပါတယ်။ ပင်လယ်ရေကရတဲ့ သဘာဝရေဓာတ်တွေပါဝင်နေတာကြောင့် အဆီပြန်ခြင်းသက်သာပြီး အသားအရေကိုကြည်ကြည်လင်လင်နဲ့ အေးမြနေစေမှာပါ။