အသက်အရွယ်ကြောင့်ဖြစ်လာတဲ့ Age Spots တွေကိုသက်သာအောင်လုပ်ပေးနိုင်တဲ့သဘာဝနည်းလမ်းများ

အထူးသဖြင့် အသက်ကြီးလာရင် မျက်နှာမှာ တင်းတိတ်လိုမျိုး အညိုရောင်အကွက်တွေ ပေါ်လာတတ်ပါတယ်။ ဒါမျိုးကို Age Spots လို့ခေါ်ပါတယ်။ ဒီလို အသက်အရွယ်ကြောင့်ဖြစ်လာတဲ့ Age Spots တွေကို သက်သာအောင်လုပ်ပေးနိုင်တဲ့၊ ကုသပေးနိုင်တဲ့ သဘာဝနည်းလမ်းတွေလည်း အများကြီးရှိပါတယ်။ အဲ့ထဲကမှ လူတိုင်းလိုက်လုပ်လို့အဆင်ပြေမယ့် နည်းလမ်းတွေကို ရွေးချယ်ပြီး ဖော်ပြပေးလိုက်ပါတယ်။

သံပယိုရည်

သံပယိုသီးက အရေပြားပေါ်က ဆဲလ်သေတွေနဲ့ အစက်အပြောက်တွေကို ဖယ်ရှားပေးနိုင်ပါတယ်။ ဒါကြောင့် သံပယိုသီးကို အရည်ညှစ်ပြီး ရလာတဲ့ သံပယိုရည်ကို Age Spots ရှိတဲ့နေရာမှာ ပွတ်လိမ်းပေးပါ။ ပြီးရင် ခြောက်အောင်ထားပြီး မျက်နှာသစ်ပါ။ ပြီးရင်တော့ Moisturizer ပြန်လိမ်းပေးဖို့ မမေ့ပါနဲ့။

ကြက်ဆူဆီ

ကြက်ဆူဆီကလည်း သဘာဝအတိုင်း Age Spots တွေကို ပျောက်သွားအောင် ကုသပေးနိုင်ပါတယ်။ လုပ်ရမယ့်နည်းလမ်းကတော့ Age Spots ရှိတဲ့နေရာတစ်ဝိုက်ကို ကြက်ဆူဆီလိမ်းပြီး လက်ချောင်းလေးတွေနဲ့ နှိပ်နယ်ပေးပြီး နာရီပိုင်းလောက်ထားပါ။ အချိန်ပြည့်ရင် မျက်နှာသစ်ပေးရုံပါပဲ။ ဒီနည်းလမ်းကို လုပ်မယ်ဆိုရင်တော့ နေ့တိုင်းလုပ်ပေးရပါမယ်။

ခရမ်းချဉ်သီးအရည်

ခရမ်းချဉ်သီးကို Blender ထဲထည့်ကြိတ်ပြီး ရလာတဲ့ ခရမ်းချဉ်သီးအရည်ကို Age Spots ရှိတဲ့နေရာတစ်ဝိုက် လိမ်းပေးပြီး ခြောက်အောင်ထားပါ။ ခြောက်သွားရင် ရေခဲရေနဲ့ မျက်နှာသစ်ပေးပါ။ ဒီနည်းလမ်းကို နေ့တိုင်းလုပ်ပေးမယ်ဆိုရင်တော့ Age Spots တွေ တစ်ဖြေးဖြေးနဲ့ပါးလာမှာပါ။ ဒါ့အပြင် နေလောင်ထားတာတွေရှိရင်လည်း ပျောက်သွားပါလိမ့်မယ်။

Apple cider vinegar နဲ့ ပျားရည်

Apple cider vinegar – လက်ဖက်ရည်ဇွန်း ၁ ဇွန်းနဲ့ ပျားရည် – လက်ဖက်ရည်ဇွန်း ၂ ဇွန်းတို့ကို ရောမွှေပြီး Age Spots ရှိတဲ့နေရာကို လိမ်းပေးပါ။ ၁၅ မိနစ်ထားပြီးရင်တော့ မျက်နှာသစ်ပေးပါ။ ဒီနည်းလမ်းကို နေ့တိုင်းလုပ်ပေးမယ်ဆိုရင်တော့ Age Spots တွေ တစ်ဖြေးဖြေးနဲ့ပါးပြီး သက်သာသွားတာကို မြင်တွေ့ရမှာပါ။

ဘယ်အရာကိုမဆို စိတ်ရှည်ရှည်နဲ့ သေချာစွဲလုပ်ပေးမှ၊ ပုံမှန်လုပ်ပေးမှသာ သိသာတဲ့ Result ကို ရရှိမှာဖြစ်ပါတယ်။