လက်မှာအရေခွံလန်တာက ဘယ်သူမဆို ဖြစ်တတ်ပါတယ်။ အထူးသဖြင့် လက်ချောင်းနဲ့ လက်ဖဝါးတွေမှာ ပိုဖြစ်ပါတယ်။ ဒီလို လက်မှာအရေခွံလန်တာကို သက်သာပျောက်ကင်းအောင် လုပ်ပေးနိုင်တဲ့ သဘာဝနည်းလမ်းတွေလည်း ရှိတာကြောင့် ပြန်လည်မျှဝေပေးလိုက်ပါတယ်။
ရှားစောင်းလက်ပတ်ဂျယ်လ်
လုပ်ရမယ့်ပုံစံက အရမ်းရိုးရှင်းပါတယ်။ ရှားစောင်းလက်ပတ်အတွင်းသားက ဂျယ်လ်နဲ့ အရေခွံလန်နေတဲ့နေရာကို ပွတ်ပေးရမှာပါ။ တစ်နေ့နှစ်ကြိမ်ပွတ်ပေးရပါမယ်။ ပြီးရင် ခြောက်အောင်ထားပြီးမှ ရေဆေးချလိုက်ပါ။
အုန်းဆီ
ညအိပ်ယာဝင်ခါနီးရင် ကိုယ်ကြိုက်နှစ်သက်ရာအုန်းဆီကိုယူပြီး အရေခွံလန်နေတဲ့ လက်ဖဝါးတစ်ပြင်လုံးကို lotion လိမ်းသလိုလိမ်းပေးပါ။ ဒါကတော့ အလွယ်ကူဆုံးပါပဲ။ အုန်းဆီကိုညတိုင်းလိမ်းပေးခြင်းက အသားခြောက်တာ၊ ကွဲတာနဲ့ အရေခွံလန်တာတွေကို သက်သာပျောက်ကင်းစေပါတယ်။ အုန်းဆီအစား သံလွင်ဆီသုံးလည်း ရပါတယ်။
ပျားရည်
အရေခွံလန်နေတဲ့နေရကို ပျားရည်လိမ်းပေးပြီး နာရီဝက်ထားပါ။ အချိန်ပြည့်ရင် ရေကြက်သီးနွေးနဲ့ ဆေးချလိုက်ပါ။ ဒီလိုလုပ်ပေးခြင်းကလည်း အရေခွံလန်တာတွေကို သက်သာစေပါတယ်။
ရေများများသောက်ပါ
ရေဓာတ်မလုံလောက်ရင်လည်း အသားခြောက်ပြီး အရေခွံလန်တာတွေ ဖြစ်တတ်ပါတယ်။ ဒါကြောင့် ရေကိုများများသောက်ပေးဖို့ လိုပါတယ်။ အနည်းဆုံး ရေကို ဖန်ခွက် ၁၀ ခွက်စာ သောက်ပေးရပါမယ်။ အဲ့ထက်ပိုသောက်နိုင်ရင်တော့ အကောင်းဆုံးပါပဲ။
source:www.blushin.com
