ထိပ်တန်းတရုတ်မင်းသမီးတွေထဲက တစ်ဦးဖြစ်တဲ့ Yang Zi ရဲ့ Gown ဖက်ရှင်များ

တရုတ်မင်းသမီး Yang Zi ကို Andy Yang လို့လည်း လူသိကြပြီးတော့ ၂၀၁၄ ခုနှစ်မှာ Performance Institute of Beijing Film Academy ကနေ ကျောင်းပြီးထားပါတယ်။

၁၉၉၂ ခုနှစ် နိုဝင်ဘာလ ၆ ရက်နေ့မှာ မွေးဖွားခဲ့တဲ့ Yang Zi ရဲ့ မွေးရပ်မြေကတော့ တရုတ်နိုင်ငံ ဘေကျင်းမြို့ Fangshan ခရိုင်ဖြစ်ပါတယ်။ သူမရဲ့အဖေက မီးသတ်သမားဖြစ်ပြီးတော့ သူမငယ်စဥ်တုန်းက Yang Niao လို့ နာမည်ပေးခဲ့တာပါ။ သူမရဲ့ သရုပ်ဆောင်ဝါသနာပါမှူကြောင့် မိဘနှစ်ပါးလုံးက Audition တွေအများကြီးကို လိုက်ပို့ခဲ့ပေးပါတယ်။

အသက် ၁၆ နှစ်အရွယ်မှာတော့ Ru Chi Chu Shan ဆိုတဲ့ ဇာတ်ကားမှာ စတင်ပါဝင်လာခဲ့ပြီးတော့ Home with Kids ဆိုတဲ့ ဇာတ်လမ်းတွဲမှာ Xia Xue အဖြစ်ပါဝင်သရုပ်ဆောင်ရင်း နာမည်တက်သွားခဲ့ပါတယ်။

သီချင်းဆိုလည်း ဝါသနာပါတာကြောင့် ၂၀၀၈ ခုနှစ်မှာ Home with Snow ဆိုတဲ့ အယ်လ်ဘမ်ထုတ်ခဲ့ဖူးပါသေးတယ်။ Girl Rushes Forward ဆိုတဲ့ ဇာတ်လမ်းတွဲမှာ ခေါင်းဆောင်အဖြစ် ပထမဆုံး ပါဝင်သရုပ်ဆောင်ခွင့်ရရှိခဲ့ပြီး အခုချိန်မှာတော့ သူမရဲ့ နာမည်ကျော်ဇာတ်လမ်းတွဲတွေဖြစ်တဲ့ Ashes of Love, Go Go Squid!, Lost You Forever, The Oath of Love, Immortal Samsara စတာတွေက လူကြည့်တော်တော်များလှပါတယ်။

အခုလိုမျိုး တရုတ်နိုင်ငံရဲ့ ထိပ်တန်းမင်းသမီးတွေထဲမှာ တစ်လက်အပါအဝင်ဖြစ်တဲ့ Yang Zi ကို ချစ်ကြတဲ့ သူမရဲ့ပရိတ်သတ်များအတွက် သူမဝတ်ဆင်ခဲ့ဖူးတဲ့ ဖက်ရှင်တွေထဲကမှ Gown ဖက်ရှင်များ သီးသန့်တင်ဆက်ပေးလိုက်ရပါတယ်။