စိတ်တွေအရမ်းပင်ပန်းပြီး stress ပိနေတဲ့သူတွေ၊ နေရတာထိုင်းမှိုင်းပြီး မလန်းမဆန်းဖြစ်နေတဲ့သူတွေနဲ့ အရမ်းစိတ်ညစ်နေရတဲ့သူတွေအတွက် ကိုယ်ရောစိတ်ပါ Relax ဖြစ်စေမယ့် အကောင်းဆုံးယောဂကျင့်စဉ် ၆ မျိုးကို မျှဝေပေးလိုက်ပါတယ်။
Child Pose
ပုံမှာပြထားတဲ့ Child Pose အနေအထားနဲ့ ၃ မိနစ်လောက်နေပေးရပါမယ်။ ဒီယောဂကျင့်စဉ်မှာတော့ လက်နှစ်ဖက်နဲ့ခါးကို ဆန့်ထားရပါမယ်။ ဒီယောဂကျင့်စဉ်ရဲ့ ကောင်းကျိုးကတော့ ခါးနာတာ၊ ဇာတ်ကြောတက်၊ ပခုံးနာတာတွေ သက်သာစေပြီး စိတ်ဖိစီးမှုတွေလျော့ကျစေလို့ ကိုယ်ရောစိတ်ပါ Relax ဖြစ်စေပါတယ်။
Legs-Up-The-Wall Pose
ပုံမှာပြထားတဲ့အတိုင်း ခြေထောက်နှစ်ချောင်းကိုမြှောက်ပြီး နံရံမှာကပ်ထားရပါမယ်။ လက်နှစ်ဖက်ကိုလည်း ဘေးကိုဆန့်ထားပါ။ အဲ့ပုံစံအတိုင်း ၅ မိနစ်ကနေ ၁၀ မိနစ်အထိ ကိုယ်နေနိုင်သလောက် နေပေးရပါမယ်။ ဒီယောဂကျင့်စဉ်ရဲ့ ကောင်းကျိုးကတော့ သွေးစီးဆင်းမှုကောင်းမွန်စေပြီး ခြေထောက်ညောင်းတာ သက်သာစေပါတယ်။ စိတ်ဖိစီးနေတာ၊ စိတ်ဓာတ်ကျနေတာတွေလည်း လျော့လာပြီး Relax ဖြစ်စေပါတယ်။
Crocodile Pose
Crocodile Pose ကတော့ အလွယ်ကူဆုံးပါပဲ။ အာရုံစုစည်းပြီး ပုံမှာပြထားတဲ့အတိုင်း ၅ မိနစ်လောက် နေပေးရုံပါပဲ။ ဒီယောဂကျင့်စဉ်ရဲ့ ကောင်းကျိုးကတော့ ပခုံးနဲ့နောက်ကြောနာတာ၊ ကြွက်သားနာကျင်တာကို သက်သာစေပြီး ခန္ဓာကိုယ် Relax ဖြစ်စေပါတယ်။
Reclining Fish Pose
ပုံမှာပြထားတဲ့ Reclining Fish Pose အတိုင်း တစ်ထပ်တည်းတူအောင် လုပ်ပေးရပါမယ်။ အဲ့အနေအထားနဲ့ စက္ကန့် ၃၀ မှ စက္ကန့် ၆၀ အထိ ကိုယ်အဆင်ပြေသလောက် နေပေးပါ။ ဘယ်၊ ညာ တစ်လှည့်စီ ပြောင်းလုပ်ပေးပါ။ ဒီယောဂကျင့်စဉ်ရဲ့ ကောင်းကျိုးကတော့ အညောင်းညာပြေစေပြီး ကိုယ်ရောစိတ်ပါ Relax ဖြစ်ပြီး လန်းဆန်းစေပါတယ်။
Bound Angle Pose
ပုံမှာပြထားတဲ့ Bound Angle Pose အတိုင်း လက်ဖဝါးနှစ်ဖက်ကိုစု၊ ခြေဖဝါးနှစ်ဖက်ကိုစု၊ အသက်ကို ဖြေးဖြေးချင်းစီ ရှူသွင်းရှူထုတ်လုပ်ပေးပြီး စက္ကန့် ၆၀ နေပေးပါ။ ဒီယောဂကျင့်စဉ်ရဲ့ ကောင်းကျိုးကတော့ နာကျင်ကိုက်ခဲတာ၊ ခေါင်းကိုက်တာ၊ ခေါင်းမကြည်တာကို သက်သာစေပြီး Relax ဖြစ်စေပါတယ်။
Corpse Pose
Corpse Pose ကတော့ အရမ်းလွယ်ပါတယ်နော်။ ခြေထောက်တွေ၊ လက်တွေကိုကားပြီး မျက်စိမှိတ်၊ အသက်ကိုဖြေးဖြေးချင်းစီ ရှူသွင်းရှူထုတ်လုပ်ပြီး ၁၀ မိနစ်နေပေးရုံပါပဲ။ ဒီယောဂကျင့်စဉ်ရဲ့ ကောင်းကျိုးကတော့ သွေးလည်ပတ်မှုကောင်းမွန်စေပြီး ကိုယ်ရောစိတ်ပါ Relax ဖြစ်စေပါတယ်။
