မင်္ဂလာပါ… ပျိုမဒတို့ရေ….. ကိုရီယားနိုင်ငံရဲ့ Entertainment က အခုဆို တစ်ကမ္ဘာလုံးကို လွှမ်းမိုးနိုင်စွမ်းက တစစနဲ့ကို ကြီးထွားလာတယ်ဆိုတာ အားလုံးသိကြတဲ့အတိုင်းပါပဲ ။ 2023 ခုနှစ်အတွက်
ရေပန်းအစားဆုံး အနုပညာတွေကို ရွေးချယ်ဖို့အတွက် နိုင်ငံပေါင်း ၂၆ နိုင်ငံက အသက် 15 နှစ်ကနေ 59 နှစ်ကြား အမျိုးသားနဲ့ အမျိုးသမီး 25,000 ကိုစစ်တမ်းကောက်ခဲ့ပါတယ်။

ဒီလို စစ်တမ်းကောက်ကြည့်လိုက်တဲ့အခါမှာဒီလိုအရှိန်ကောင်းကောင်းနဲ့ အောင်မြင်ကျော်မှုတွေကို ကိုယ်စီပိုင်ဆိုင်ထားကြတဲ့ အနုပညာရှင်တွေထဲကနေမှ ဘယ်သူတွေက ရေပန်းအစားဆုံး အနုပညာတွေ ဖြစ်မလဲဆိုတာ ကြည့်လိုက်ရအောင်…

Lee Min Ho

Boys Over Flowers ဇာတ်လမ်းတွဲနဲ့ ပရိတ်သတ်အားပေးမှုကို အခိုင်အမာရရှိခဲ့တဲ့ Lee Min Ho ဟာ ထောက်ခံမဲ ၉ ဒသမ ၁ ရာခိုင်နှုန်းနဲ့ ထိပ်ဆုံးက ရပ်တည်နေပါတယ်။

Gong Yoo

အကျော်ကြားဆုံးတောင်ကိုရီးယားသရုပ်ဆောင်တွေထဲက တစ်ယောက်ဖြစ်ပြီး Coffee Prince၊ Goblin၊ Train to Busan နဲ့ The Silent Sea တို့မှာ ဒဏ္ဍာရီဆန်ဆန်သရုပ်ဆောင်မှုများကြောင့် လူသိများတဲ့ Gong Yoo က မဲအရေအတွက်ရဲ့ 2.7% နဲ့ ဒီနှစ်စစ်တမ်းမှာ ဒုတိယနေရာမှာ ရှိနေပါတယ်။

Hyun Bin

My Name Is Kim Sam Soon နဲ့ Crash Landing on You ဇာတ်ကားတွေနဲ့ လူသိများတဲ့ မင်းသား Hyun Bin က စုစုပေါင်းမဲ 2.4% ဖြင့် တတိယနေရာမှာ ရှိနေပါတယ်။

Song Hye Kyo

Full House နဲ့ Descendants of the Sun မှာ ပါဝင်သရုပ်ဆောင်ကတည်းက နိုင်ငံတကာမှာ အောင်မြင်မှုရရှိခဲ့တဲ့ Song Hye Kyo ဟာ လတ်တလော လွှင့်နေတဲ့ The Glory ဇာတ်လမ်းတွဲနဲ့ Netflix မှာ မယုံနိုင်လောက်စရာ စံချိန်တွေချိုးနေခဲ့ပါတယ်။ သူမရဲ့ အလှနဲ့ သရုပ်ဆောင်မှုစွမ်းရည်တွေကြောင့် လူတော်တော်များများရဲ့ ချစ်ခင်နှစ်သက်ခြင်းကို ပိုင်ဆိုင်ထားတဲ့ Song Hye Kyo က ထောက်ခံမဲ 2% ရရှိပြီး နံပါတ် ( ၄ ) နေရာမှာ ရှိနေတာပါ။

Lee Jong Suk

ယခုနှစ်အစောပိုင်းမှာ ကိုရီးယားစူပါစတား IU နဲ့ ချစ်သူတွေဖြစ်ကြောင်းကြော်ငြာပြီး လူတွေရဲ့အာရုံစိုက်မှုကိုရရှိခဲ့တဲ့ Lee Jong Suk ဟာ ၂၀၁၂ K-Drama School 2013 နဲ့ စတင်ဝင်ရောက်ခဲ့ပြီး စစ်မှုထမ်း ပြီးတဲ့နောက် 2022 စီးရီး Big Mouth မှာ ပါဝင်သရုပ်ဆောင်ထားပါတယ်။ အခုချိန်ထိ ပရိသတ်အကြိုက်မင်းသားတစ်လက်အဖြစ် ဆက်လက်ရပ်တည်နေတဲ့ Lee Jong Suk ဟာ စုစုပေါင်းမဲ 1.5%နဲ့ Top 5 နေရာကို သိမ်းပိုက်ထားပါတယ်။