မိတ်ကပ်လိမ်းပြီဆိုရင် မိတ်ကပ်သားကြာရှည်ခံအောင်၊ မိတ်ကပ်က မျက်နှာအသားအရေကို တိုက်ရိုက်ထိတွေ့တာမျိုး မဖြစ်အောင် Primer ခံလိမ်းရပါတယ်။ Normal အသားအရေအတွက်ကတော့ ဘယ်လို Primer မျိုးမဆို အဆင်ပြေပေမယ့် ဝက်ခြံပေါက်တဲ့ အသားအရေမျိုးကျတော့ သေချာရွေးဝယ်မှ အဆင်ပြေမှာပါ။ ဒါကြောင့် ဝက်ခြံပေါက်တဲ့အသားအရေအတွက် အသင့်တော်ဆုံးဖြစ်မယ့် Primer ၅ မျိုးကို ဖော်ပြပေးလိုက်ပါတယ်။
Mattifying Primer with Anti-Acne by Cover FX
Cover FX ကထုတ်တဲ့ Mattifying Primer with Anti-Acne ကတော့ ဝက်ခြံသမားတွေအတွက် အဓိကထုတ်ပေးထားတာဖြစ်ပါတယ်။ Oil-free primer ဖြစ်တဲ့အပြင် Cruelty-free, gluten-free ဖြစ်တာကြောင့် မတည့်မှာကိုလည်း စိုးရိမ်စရာမလိုပါဘူး။
Foundation Primer, Oil-Free by Laura Mercier
Laura Mercier ကထုတ်တဲ့ Foundation Primer, Oil-Free ကတော့ သူ့နာမည်အတိုင်းပဲ Oil free ဖြစ်တာကြောင့် ဝက်ခြံသမားတင်မဟုတ်ပဲ အဆီပြန်တဲ့သူတွေလည်း သုံးလို့ကောင်းပါတယ်။ ဒါ့အပြင် Vitamins A, C, E ပါဝင်တယ်၊ Demi-matte finish လည်းဖြစ်တယ်။ ဒါကြောင့် အဆီပြန်တဲ့သူတွေနဲ့ ဝက်ခြံသမားတွေအတွက်တော့ အကောင်းဆုံးပါပဲ။
Super Universal Face Primer by Clinique
Clinique ကထုတ်တဲ့ Super Universal Face Primer ကတော့ Oil-free texture ဖြစ်ပြီး 100% fragrance-free ဖြစ်တာကြောင့် ဝက်ခြံထွက်တဲ့အသားအရေတင်မဟုတ်ပဲ အသားအရေတိုင်းအတွက် သင့်တော်ပါတယ်။ Sensitive Skin တွေတောင် စိတ်ချလက်ချသုံးလို့ရပါတယ်။ လိမ်းလိုက်တာနဲ့ မျက်နှာလေးချောမွေ့သွားပြီး အသားထဲစိမ့်ဝင်တာလည်း အရမ်းမြန်ပါတယ်။
Face Studio Master Prime Primer by Maybelline New York
Maybelline New York ကထုတ်တဲ့ Face Studio Master Prime Primer က water based ဖြစ်တဲ့အပြင် non – oily texture လည်းဖြစ်တယ်။ လိမ်းလိုက်ရင် မျက်နှာလေးချောပြီး ဝက်ခြံနဲ့ ချွေးပေါက်တွေကိုလည်း ဖုံးပေးနိုင်တယ်။ ဝက်ခြံထွက်တဲ့အသားအရေတင်မဟုတ်ပဲ Normal Skin, Dry Skin တွေလည်း သုံးလို့ရပါတယ်။
Veil Mineral Primer by Hourglass Cosmetics
Hourglass Cosmetics ကထုတ်တဲ့ Veil Mineral Primer မှာက SPF 15 ပါဝင်တဲ့အတွက် Sunscreen လိမ်းဖို့မေ့သွားခဲ့ရင်လည်း စိတ်ပူစရာမလိုတော့ပါဘူး။ Mineral-based, water-resistant ဖြစ်တဲ့အပြင် oil free, fragrance, gluten, sulfate, paraben အားလုံး မပါဝင်တဲ့အတွက် အသားအရေတော်တော်များများနဲ့ အဆင်ပြေပါတယ်။ ဝက်ခြံသမားတွေ၊ အဆီပြန်တဲ့အသားအရေတွေအတွက်တော့ အကောင်းဆုံးပါပဲ။
source: www.healthybeautyme.com
