အားလုံးပဲ မင်္ဂလာပါ၊ ဖက်ရှင်ဆိုတာ ယောကျာ်း၊ မိန်းမ မရွေး အားလုံးနဲ့ သက်ဆိုင်တဲ့အရာတစ်ခုပါ။ ပြီးတော့ ဖက်ရှင်အသုံးအဆောင်ပစ္စည်းတွေက မိန်းကလေးတွေနဲ့ပဲ သက်ဆိုင်တယ်လို့ ထင်နေခြင်းကလည်း အယူအဆအမှားတစ်ခုပါပဲ။ အသုံးအဆောင်ပစ္စည်းတွေက သင့်ကို ပိုပြီး စမတ်ကျလာအောင်၊ ဖက်ရှင်ပိုကျလာအောင် ကူညီထောက်ပံ့ပေးတယ်ဆိုလည်း မမှားပါဘူး။ တကယ်လို့ သင်က စမတ်ကျပြီး ဆွဲဆောင်မှုရှိချင်တယ်ဆိုရင်တော့ အခုဖော်ပြပေးသွားမယ့် အသုံးအဆောင်ပစ္စည်းလေးတွေကို ပိုင်ဆိုင်ထားသင့်တယ်နော်။

နာရီ

သန့်သန့်ပြန့်ပြန့်နဲ့ စမတ်ကျတဲ့ အမျိုးသားတစ်ယောက်ဖြစ်ဖို့ ပထမဆုံးလိုအပ်တာကတော့ နာရီပဲဖြစ်ပါတယ်။ နာရီလို့ဆိုရာမှာလည်း ဈေးပေါတဲ့နာရီ ဝတ်ဆင်ခြင်းက သင့်ရဲ့ ပုံရိပ်ကို ဆွဲချနေတာကြောင့် ဈေးအသင့်အတင့်ရှိတဲ့ Branded  နာရီလေးတစ်လုံးကို လက်ဝယ်ပိုင်ဆိုင်ထားသင့်ပါတယ်။

ခါးပတ်

ခါးပတ်အမျိုးအစားကို ၂ မျိုးခွဲထားပါတယ်၊ Formal ကျကျ ဝတ်စုံပြည့်ဝတ်တဲ့အခါ ပတ်ရမယ့် ခါးပတ်နဲ့ ပေါ့ပေါ့ပါးပါးဝတ်တဲ့အခါ ပတ်ရမယ့် ခါးပတ်ပေါ့။ ခါးပတ်တစ်မျိုးတည်းကိုပဲ လုံးလည်ပတ်ချာလိုက်အောင် မဝတ်သင့်ပါဘူး။ ဒါ့အပြင် သင့်ခါးပတ်အရောင်ကလည်း သင်ဝတ်မယ့် ဖိနပ်အရောင်နဲ့ လိုက်ဖက်ညီရမယ်နော်။

ပိုက်ဆံအိတ်

ပိုက်ဆံအိတ်ကလည်း မရှိမဖြစ်အသုံးအဆောင်ပစ္စည်းလေးတစ်ခုပါပဲ။ သင့်ကို ဖက်ရှင်ကျဖို့အတွက် ကူညီပေးနိုင်ပါတယ်။

နေကာမျက်မှန်

သင့်မျက်နှာပုံစံ၊ မျက်နှာအသားအရောင်နဲ့ လိုက်ဖက်မယ့်နေကာမျက်မှန်တစ်လက်လည်း ပိုင်ဆိုင်ထားသင့်ပါတယ်။ သင့်ရဲ့ မျက်လုံးကို ခရမ်းလွန်ရောင်ခြည်နဲ့ တိုက်ရိုက်ထိတွေ့မှုမှ ကာကွယ်ပေးပြီး ဖက်ရှင်ကျနေစေမှာ အမှန်ပါပဲ။

ဦးထုပ်

ကိုယ်ဝတ်မယ့် အဝတ်အစားစတိုင်၊ သွားရမယ့် နေရာအမျိုးအစားပေါ် မူတည်ပြီး ဝတ်ဆင်ရမယ့် ဦးထုပ်အမျိုးအစားကလည်း ကွဲပြားသွားပါလိမ့်မယ်။

စာဖတ်သူဆီမှာ အခုဖော်ပြပေးသွားတဲ့ အသုံးအဆောင်ပစ္စည်း ၅ မျိုးစလုံး ပိုင်ဆိုင်ထားတယ်ဆိုရင်တော့ သင်က စမတ်ကျကျနဲ့ ဖက်ရှင်ကျတဲ့အမျိုးသားတစ်ယောက်ပါပဲ။

Photo Source: Pinterest.com