ချစ်သူက ကိုယ့်ကို ထားခဲ့ပြီလား။ ဒါဆိုရင် ဇာတ်လမ်းတစ်ပုဒ် ပြီးဆုံးသွားပြီ။ ပုံပြင်တစ်ပုဒ် ပြီးဆုံးသွားပြီလို့သာ သတ်မှတ်လိုက်ပါ။

အဆိပ်ရှိတဲ့ ဆက်ဆံရေးတစ်ခုကို ပြန်ပြီးအစပြုဖို့ ကြိုးစားရင်လည်း အထုံးရှိတဲ့ ကြိုးလေး အမြင်မတင့်တယ်သလိုပဲ ဆက်ဆံရေးမှာ အဖုအထစ်တွေ ရှိနေမှာပါ။

ဒီတော့ ကိုယ့်ကို မချစ်တော့တဲ့သူကို ပြန်လက်တွဲဖို့ မစဉ်းစားဘဲ ဝေဒနာသက်သာအောင် ဘယ်လိုလုပ်ကြမလဲဆိုတာ မျှဝေချင်ပါတယ်။

၁။ ငိုပါ။

အရာအားလုံး ပြီးသွားပါပြီ။ ချစ်ခဲ့တာပဲ။ ငိုကြွေးလိုက်ပါ။ အချိန်ပေးပြီး ငိုကြွေးလိုက်ပါ။ စိတ်ရှိလက်ရှိသာငိုချလိုက်ပါ။

၂။ သူ လောကကြီးမှာ မရှိတော့သလို နေပါ။

အရာအားလုံး ဘာမှမရှိခဲ့ဘူး ဘာမှမဖြစ်ပျက်ခဲ့ဖူးသလို နေလို့တော့မရပါဘူး။ ဒါပေမဲ့ သူ လောကကြီးမှာ မရှိတော့သလို သဘောထားလိုက်ပါ။ Facebook, Instagram or twitter စတာတွေကနေ သူ့ Account ကို Block ပါ။ ဖုန်းနံပါတ်အားလုံးကို ဖျက်လိုက်ပါ။ ဖုန်းနံပါတ်အစိမ်းဆို မကိုင်ပါနဲ့။

၃။ ရည်းစားဟောင်းကို သူငယ်ချင်းဖြစ်ဖို့ မကြိုးစားပါနဲ့။

ပြတ်သွားပြီဖြစ်တဲ့ ရည်စားဟောင်းတစ်ဦးနဲ့ ဘယ်လိုမှ သူငယ်ချင်းပြန်မဖြစ်နိုင်ပါဘူး။ ချစ်ခဲ့ကြဖူးတယ်လေ။ ဘယ်လိုပြန်ပြီးဖြူဖြူစင်စင် သူငယ်ချင်း ပြန်ဖြစ်လို့ ရမှာလဲ။ မိတ်ဆွေပြန်ဖွဲ့လို့ရနိုင်မှာလဲ။ တစ်ချို့စုံတွဲတွေ ပြန်သွားပြီး သူငယ်ချင်း ပြန်ဖြစ်တာ ရှိကြပါတယ်။ ဒါပေမဲ့ ရည်းစားဟောင်းတစ်ယောက်ကို မိတ်ဆွေပြန်ဖွဲ့တယ်ဆိုတာ မလိုအပ်တဲ့ အပိုအလုပ်တစ်ခုပါပဲ။

၄။ စာရင်းဇယားလုပ်ပါ။

သင်နဲ့ သူချစ်သူဖြစ်ခဲ့စဉ်က သင့်အပေါ်မှာ သူလုပ်ခဲ့တဲ့ မကောင်းတာမှန်သမျှကို စာရင်းပြု ရေးထားပါ။ သင်မေ့ချင်တဲ့ အမှတ်တရတွေ အားလုံးကို ရေးချပါ။ အဲဒီစာတွေအားလုံးကို ဖတ်ပါ။ လက်တွေ့ကို စဉ်းစားပါ။

၅။ သင်ယုံကြည်စိတ်ချရတဲ့ မိတ်ဆွေသူငယ်ချင်းတွေနဲ့ အချိန်ဖြုန်းပါ။

မိတ်ဆွေသူငယ်ချင်း မိသားစုဝင်တွေကို အချိန်ပေးပါ။ သင့်ရဲ့ စိတ်ခံစားချက်တွေအားလုံးကို ရင်ဖွင့်ပါ။ ပေါ့သွားပါလိမ့်မယ်။

၆။ လေ့ကျင့်ခန်း လုပ်ပါ၊ ဈေးဝယ်ထွက်ပါ။

မကောင်းတဲ့ စိတ်ခစားချက်တွေ အားလုံးကို ညှစ်ထုတ် ဆေးကြောလိုက်ဖို့အတွက် လေ့ကျင့်ခန်းလုပ်ပေးပါ။ သူငယ်ချင်းတွေနဲ့အတူ ဈေးဝယ်ထွက်ပါ။

၇။ လူမှုရေး ပွဲတွေ သွားပါ။

ပါတီပွဲတွေ အထမ်းအမှတ်ပွဲတွေသွားပါ။ Cocktails သောက်ပါ။ မိတ်ဆွေသူငယ်ချင်းတွေနဲ့အတူတူ ကပါ။ အပြုံးတွေဖလှယ်ပါ။ မိတ်ဆွေသစ်ဖွဲ့ပါ။ အိမ်မှာပဲ တစ်ယောက်တည်းမနေပါနဲ့။

၈။ နောက်ထပ်ချစ်ဖို့ အသင့်ဖြစ်နေပါစေ။

ချစ်သူရည်းစားတွေ ထဲလဲတွဲနေဖို့ ဆိုလိုတာမဟုတ်ပါဘူး။ သူ့ကိုပဲ တမ်းတမ်းဆွဲ သတိရနေဖို့မလိုဘူးလို့ ပြောချင်တာပါ။ သင်ဟာ နောက်တစ်ယောက်ကိုချစ်ဖို့ ၊ အချစ်ခံရဖို့ ထိုက်တန်ပါတယ်။ အချစ်က ကိုယ့်ရှေ့ရောက်လာတဲ့အခါ ချစ်ဖို့ အသင့်ဖြစ်နေပါစေ။

၉။ အိပ်ပါ။

အိပ်ရေး၀၀အိပ်တာက စိတ်ကို ရွှင်လန်းတက်ကြွစေပါတယ်။ အိပ်ရေး၀၀အိပ်ပါ။

၁၀။ အမြဲတမ်းပျော်ပျော်နေပါ။

သင့်ကို ပျော်ရွှင်စေတဲ့ သင့်အတွက်တန်ဖိုးမဖြတ်နိုင်တဲ့ မိတ်ဆွေတွေ မိသားစုဝင်တွေရှိနေပါသေးတယ်။ သင့်ကိုချစ်နေတဲ့သူတွေ အများကြီးရှိနေပါသေးတယ်။ အဲဒီအတွက် ပျော်ပျော်နေလိုက်ပါ။

အချစ်စစ်ကိုတွေ့ဖို့ သင်ဟာထိုက်တန်တဲ့သူတစ်ယောက်ဖြစ်ပါတယ်။