သန့်စင်ခန်းကို သန့်ရှင်းရေးလုပ်တာကို အိမ်ရှင်မတွေရော တခြားသူတွေရောပါ လုပ်ချင်ကြမယ်မထင်ပါဘူး။
ဒီလိုမလုပ်ချင်ပေမဲ့လည်း ကိုယ်မှမလုပ်ရင် လုပ်မဲ့သူမရှိလို့ သန့်ရှင်းရေးလုပ်နေသူတွေ ဒါမှမဟုတ် ကိုယ်မလုပ်ပေမဲ့လည်း ဗဟုသုတအနေနဲ့ သိလိုသူတွေအတွက် လွယ်ကူရိုးရှင်းတဲ့ သဘာဝနည်းလမ်းကို မျှဝေပေးချင်ပါတယ်။
ပါဝင်ပစ္စည်းတွေကတော့
မုန့်ဖုတ်ဆိုဒါ ၁၆၀ ဂရမ် (ခွက်တစ်လုံးရဲ့ ၈ ပုံပုံရင် ၇ပုံစာ)
သံပုယိုသီး အရည် ၆၀ မီလီလီတာ
ရှလကာရည် စားပွဲတင်ဇွန်း တစ်ဝက်
ဟိုက်ဒရိုဂျင်ပါအောက်ဆိုက် စားပွဲတင်ဇွန်း ၁ ဇွန်း
အနံ့မွှေးတဲ့အဆီတစ်မျိုး ၁၅ စက်မှ အစက် ၂၀ (မိမိကြိုက်နှစ်သက်ရာ အနံ့မွှေးတဲ့အဆီတစ်မျိုး)
ပြုလုပ်နည်း
ခွက်နှစ်လုံးယူရပါမယ်။ တစ်လုံးထဲမှာ မုန့်ဖုတ်ဆိုဒါနဲ့ သံပုယိုရည်ကို ထည့်ပြီး မွှေပေးပါ။
နောက်တစ်လုံးထဲမှာ ဟိုက်ဒရိုဂျင်ပါအောက်ဆိုက်နဲ့ ရှလကာရည်ကိုရောပြီးမွှေပေးပါ။ ပြီးရင်စောစောက ရောထားတဲ့ မုန့်ဖုတ်ဆိုဒါ သံပုရာရည် ထဲကိုထည့်ပါ။ ပြီးရင် အနံ့မွှေးတဲ့ အဆီတစ်မျိုး ထည့်ပါ။
ပြီးရင် ဇွန်းနဲ့ ကလော်ပြီး ကပ်ထူစက္ကူမှာ ထားကာ ခြောက်အောင်ထးပါ။ ခြောက်သွားဖို့ ၄ နာရီလောက်ကြာပါမယ်။ အလျင်မလိုဘူးဆိုရင် တစ်ညလုံးထားပြီး အခြောက်ခံပါ။ ပြီးရင်တော့ လေလုံတဲ့ ပုလင်းတစ်လုံးထဲထည့်ပြီး သန့်စင်ခန်းထဲမှာ ထည့်ထားပါ။
အနံ့ဆိုးလာပြီထင်ရင် သန့်စင်ခန်းခွက်ထဲကို အလုံးတစ်လုံးထည့်ပြီး ဆေးချရမှာဖြစ်ပါတယ်။ တစ်ပတ်ကို ၂ ကြိမ် ၃ ကြိမ်လုပ်ပေးပါ။