လှပတဲ့အသားအရေမျိုးကိုရရှိဖို့ Spa တွေသွားပြီး ငွေကုန်ကြေးကျခံမှ ရမယ်လို့ထင်နေတတ်ကြပါတယ်။ တတ်နိုင်တဲ့သူတွေအတွက်ကတော့ Spa တွေသွားတာ ဘာမှမဖြစ်ပေမယ့် ပိုက်ဆံကိုလည်းချွေတာချင်တယ် လှလည်းလှချင်တယ်ဆိုတဲ့သူတွေအတွက် အိမ်မှာပဲဒါတွေကိုလိုက်နာလိုက်မယ်ဆိုရင် လှပတဲ့အရာတွေကိုပဲ ပိုင်ဆိုင်လာရမှာပဲဖြစ်ပါတယ်။

အသားအရေအတွက်ဘာတွေလိုအပ်လဲဆိုတာကြည့်ပါ

အဆီပြန်တဲ့အသားအရေကို ပိုင်ဆိုင်ထားရပြီဆိုရင် အဆီပြန်တာတွေကိုသက်သာစေဖို့ ဘာတွေလုပ်ရမလဲ။ ခြောက်သွေ့တဲ့အသားအရေပိုင်ရှင်ဆိုရင်လည်း အသားအရေကိုရေဓာတ်ပြန်ပြည့်လာအောင် ဘာတွေလုပ်ရမလဲဆိုတာကို သိထားဖို့လိုလာပါပြီ။ ဒါမှလည်း အိပ်ခါနီးအချိန်တွေမှာ အသားအရေထိန်းသိမ်းမှုတွေကို လုပ်ပြီးပြင်ဆင်လို့ရမှာပေါ့။

မိတ်ကပ်တွေကို အမြဲဖျက်ပေးပါ

အသားအရေထိန်းသိမ်းဖို့နည်းလမ်းတွေတော်တော်များများမှာ မိတ်ကပ်တွေကို သေချာဖျက်ပေးဖို့ပြောထားတာတွေကို ခဏခဏဖတ်ရမှာပါ။ မိတ်ကပ်ဖျက်တယ်ဆိုတာကလည်း မျက်နှာအသားအရေအတွက်တကယ်ကို အရေးကြီးတာကြောင့် သတိပေးနေရတာပဲဖြစ်ပါတယ်။ မိတ်ကပ်တွေကိုပြောင်အောင်မဖျက်ပဲ အိပ်ယာဝင်လိုက်တာမျိုးတွေက ဘက်တီးရီးယားတွေကို ပိုပြီးတော့ပြန့်ပွားလာစေပြီး ဝက်ခြံပြဿနာတွေကိုပဲဖြစ်လာစေနိုင်ပါတယ်။

ရေများများသောက်ပေးပါ

ကြည်လင်ပြီးလှပတဲ့ အပြစ်အနာဆာမရှိတဲ့ အသားအရေမျိုးကိုလိုချင်တယ်ဆိုရင်တော့ ရေများများသောက်ပေးပါလို့ အကြံပေးချင်ပါတယ်။ ရေများများသောက်တာက ခန္ဓာကိုယ်ထဲမှာရှိနေတဲ့ အဆိပ်တောက်တွေကို ပြေလျော့သွားစေပြီး စိုပြေလှပတဲ့အသားအရေမျိုးကို ပိုင်ဆိုင်လာရမှာပဲဖြစ်ပါတယ်။

နေရောင်ထဲကိုဒီတိုင်းမသွားပါနဲ့

နေရောင်ခြည်ထဲမှာပါနေတဲ့ ခရမ်းလွန်ရောင်ခြည်က အသားအရေကို တော်တော်ပျက်စီးစေနိုင်တာကြောင့် အပြင်သွားခါနီးအချိန်တွေမှာ နေလောင်ခံကာကွယ်ဆေးလိမ်းပေးတာမျိုးတွေလုပ်ပြီးမှ သွားသင့်ပါတယ်။ နေပူထဲကိုသွားပြီဆိုရင်လည်း ထီးဆောင်းသွားဖို့အကျင့်လုပ်ပေးဖို့ လိုပါတယ်နော်။

အိပ်ရေးဝအောင်အိပ်ပေးပါ

အိပ်ရေးကောင်းကောင်းဝနေမှလည်း လှပတဲ့အသားအရေမျိုးကို ရရှိမှာပဲဖြစ်ပါတယ်။ အိပ်ရေးမဝတဲ့သူတစ်ယောက်ရဲ့အသားအရေမှာ ဟော်မုန်းမညီညွတ်တော့တာကြောင့် ဝက်ခြံတွေကိုဖြစ်လာစေပြီး မျက်ကွင်းညိုတာတွေပါဖြစ်လာပြီး အသားအရေလည်းမလှပတော့ဘူးပေါ့။

ဒီအရာတွေကတော့ ပိုက်ဆံလည်းကုန်စရာမလိုဘဲ လုပ်နေကျအကျင့်လေးတွေကို ပြင်ပေးလိုက်ရုံနဲ့ လှပတဲ့အသားအရေမျိုးကို ပိုင်ဆိုင်လာရစေဖို့ အကူအညီပေးနိုင်နေမှာပဲဖြစ်ပါတယ်။