ခန္ဓာကိုယ် အလေးချိန်မြင့်တက်လာရခြင်းဟာ သင့်ရဲ့အပြုအမူ ၊အစားအသောက်တွေနဲ့ တိုက်ရိုက်သက်ဆိုင်နေပါတယ်။ မှန်ကန်တဲ့အနေအထိုင်၊ အစားအသောက်တွေ မရှိခဲ့ဘူးဆိုရင် ခန္ဓာကိုယ်ရဲ့အလေးချိန်ဟာ ဒီရေအလား တရိပ်ရိပ်နဲ့တိုးမြင့်နေမှာပဲဖြစ်ပါတယ်။

မိမိ ကိုယ်တိုင် စိန်ခေါ်ပြောင်းလဲရမယ့်အချက်ကတော့ စားသောက်မှုပဲဖြစ်ပါတယ်။ အစားအစာစားသုံးတဲ့အခါမှာ အလျင်အမြန်နဲ့ အမြောက်အများစားသုံးခြင်းဟာ ခန္ဓာကိုယ်အလေးချိန်အတွက် အန္တရာယ်တစ်ခုပဲဖြစ်ပါတယ်။ ဖြည်းဖြည်းစားသောက်တတ်အောင် လေ့ကျင့်ပြောင်းလဲပေးနိုင်ဖို့ လိုအပ်ပါတယ်။

ခန္ဓာကိုယ်အလေးချိန်မြင့်တက်စေတဲ့ အပြုအမူတစ်ခုကတော့ အစားအစာ စားသောက်နေစဉ်အတွင်း စာဖတ်ခြင်းနဲ့ ရုပ်မြင်သံကြားကြည့်ရှုခြင်း တို့ပဲဖြစ်ပါတယ်။ ထိုအပြုအမူတွေဟာ သင့်ခန္ဓာကိုယ်ရဲ့အလေးချိန်ကို များစွာမြင့်တက်လာနိုင်ပါတယ်။

အစားအသောက်စားသုံးတဲ့အခါမှာ ဖြစ်သလိုပုံစံမျိုးနဲ့ ပြီးစလွယ်မစားသုံးသင့်ပါဘူး။ ပြီးစလွယ်စားသုံးလိုက်ခြင်းဖြင့် အစားအစာကို မလေးစားဖွယ်ဖြစ်တဲ့အပြင် ခန္ဓာကိုယ်ရဲ့အစာချေဖျက်မှုစနစ်ရဲ့လုပ်ဆောင်မှုတွေက လျှော့ကျသွားနိုင်ပြီး ခန္ဓာကိုယ်မှာအဆီပိုတွေ မြင့်တက်လာစေနိုင်ပါတယ်။ ဒီလိုအဆီပိုတွေကို လျော့ချနိုင်ဖို့အတွက် အစားအသောက်များကို စားသုံးတဲ့ အခါမှာ နည်းစနစ်တကျ ဂရုပြုစားသုံးပေးသင့်ပါတယ်။

Source: everydayhealth.com