နှုတ်ခမ်းညိုတဲ့သူတွေအတွက် ပန်းရောင်လေး ပြန်ရဖို့ ဂရုစိုက်နည်း (၄) မျိုး

နှုတ်ခမ်းညိုတာက တစ်ယောက်နဲ့ တစ်ယောက် ပုံစံ မတူပါဘူး။ တချို့က အပေါ်နှုတ်ခမ်း အကြောင်းလိုက် ညိုပါတယ်။ တချို့ကျ နှုတ်ခမ်းတစ်ခုလုံး ညိုပါတယ်။ တချို့တွေကျတော့ တစ်နေရာတည်း အစက်အညိုကလေး ဖြစ်နေတတ်ပါတယ်။ နှုတ်ခမ်း ညိုတာက သက်သာဖို့ အချိန်ယူရပေမယ့် ပန်းရောင် နှုတ်ခမ်းလေးကို ပိုင်ဆိုင်သွားတဲ့အခါ သင်ကြိုးစားသမျှ ထိန်းသိမ်းမှုတွေက တန်ပါတယ်။ ဒါ့အပြင် နှုတ်ခမ်းနီ မဆိုးလည်း Confident ရှိလာပါလိမ့်မယ်။

ဒီတော့ နှုတ်ခမ်းညိုနေတာကို သက်သာအောင် ဘယ်လိုဂရုစိုက်နိုင်မလဲ ဖော်ပြလိုက်ပါတယ်။

၁။ Balm Cleanser သုံးပါ

သင့်နှုတ်ခမ်းပေါ်က နှုတ်ခမ်းနီနဲ့ တခြားအရာတွေကို သေချာဖယ်ရှားပေးရပါမယ်။ ဒီလို ဖယ်ရှားတဲ့နေရာမှာ Balm Cleanser ကို သုံးနိုင်ပါတယ်။ ဝါဂွမ်းပေါ် Balm Cleanser ထည့်ပြီး နှုတ်ခမ်းကို ပွတ်ပေးသင့်ပါတယ်။

၂။ Scrub လုပ်ပါ

နှုတ်ခမ်းပေါ်က ဆဲလ်သေတွေ ကွာကျသွားဖို့ Scrub လုပ်ပေးသင့်ပါတယ်။ Balm Cleanser လို ဝယ်စရာ မလိုဘဲ ကိုယ်တိုင် DIY Scrub လုပ်နိုင်ပါတယ်။ လိုအပ်တဲ့ပစ္စည်းတွေကတော့- သကြား ၂ ဇွန်း၊ အုန်းဆီတစ်ဇွန်းနဲ့ သံပယိုရည် အနည်းငယ်တို့ပါ။ ဒီသုံးမျိုးကို ရောပြီး နှုတ်ခမ်းမှာ ပွတ်ပေးရပါမယ်။ ပြီးနောက် ရေဆေးပေးရပါမယ်။

၃။ Vitamin C

နှုတ်ခမ်းညိုတာ သက်သာဖို့ နောက်တစ်ဆင့်ကတော့ Vitamin C ကို နှုတ်ခမ်းမှာ လိမ်းတာပါ။ Vitamin C Serum ကို မျက်နှာအပြင် နှုတ်ခမ်းမှာပါ လိမ်းနိုင်ပါတယ်။ Vitamin C က အရောင်ပြောင်းခြင်းကို သက်သာစေပါတယ်။

၄။ Lip Balm လိမ်းပါ

ပုံမှန်လိမ်းနေကျ Lip Balm က သင့်နှုတ်ခမ်း ပန်းရောင်သန်းလာဖို့ ကူညီပေးနေတဲ့ ပစ္စည်းပါ။ ဒါကြောင့် Lip Balm ရဲ့ အစွမ်းကို အထင်မသေးသင့်ပါဘူး။
Photo Source: Pinterest

By MyStyle Myanmar