Antioxidants များနှင့် ပြည့်နှက်နေတဲ့ အာလူးဟာ အသားဖြူချင်သူများအတွက်လည်း ဆေးစွမ်းကောင်းတစ်လက်ပဲဖြစ်ပါတယ်။ နေလောင်ဒဏ်ကြောင့် အသားမဲသွားသူများ၊ အသားပြန်ဖြူချင်သူများနှင့် အသားအရေ ဝင်းလက်တောက်ပချင်သူများအတွက် အာလူးကို အသုံးပြုနိုင်ပါတယ်။
အာလူးနှင့် ပျားရည် အသုံးပြုပါ
အာလူးအခွံခွာပြီး ကြိတ်ပါ။ ရရှိလာတဲ့ အာလူးမွှာလေးများကို အဝတ်စသန့်သန့်ထဲထည့်ကာ အရည်ညှစ်လိုက်ပါ။ ရရှိလာတဲ့ အာလူးရည် စားပွဲတင်ဇွန်း ၃ ဇွန်းခန့်ကို ပျားရည် စားပွဲတင်ဇွန်း ၂ ဇွန်းဖြင့် သမအောင် ရောနှောလိုက်ပါ။ ထို့နောက် မျက်နှာနှင့် လည်ပင်းတဝိုက်တွင် လိမ်းကျံလိုက်ပါ။ ၁၀ မိနစ်၊ ၁၅ မိနစ်ခန့်ကြာမှ မျက်နှာသစ်ပေးရပါမယ်။ ပိုမိုထူးခြားတဲ့ရလာဒ်ကို ရရှိလိုပါက နေ့စဉ်နေ့တိုင်း ပေါင်းတင်ပေးနိုင်ပါတယ်။
အာလူးနှင့် သံပုယိုရည်
အာလူးရည် လက်ဖက်ရည်ဇွန်း ၂ ဇွန်း၊ သံပုယိုရည် လက်ဖက်ရည်ဇွန်း ၂ ဇွန်းတို့ကို သမအောင် ရောမွှေလိုက်ပါ။ (ပျားရည် လက်ဖက်ရည်ဇွန်းတစ်ဝက်လည်း ထပ်ထည့်နိုင်ပါသေးတယ်) ထို့နောက် မျက်နှာနှင့် လည်ပင်းပေါ်တွင် သုတ်လိမ်းလိုက်ပါ။ ၁၅ မိနစ်ကြာမှ မျက်နှာသစ်လိုက်ပါ။ ဒီနည်းလမ်းကိုတော့ တစ်ရက်ခြားတစ်ကြိမ်သာ ပေါင်းတင်သင့်ပါတယ်။
အာလူးနှင့် စတော်ဘယ်ရီ
အာလူး ၁ လုံးကို အခွံခွာပြီး အတုံးသေးသေး တုံးထားပါ။ စတော်ဘယ်ရီ ၂ လုံးနှင့် ပျားရည် လက်ဖက်ရည်ဇွန်း တစ်ဝက်တို့ လိုအပ်ပါမယ်။ ဖျော်စက်ထဲတွင် အာလူးနှင့် စတော်ဘယ်ရီတို့ထည့်ကာ အနှစ်များရအောင် ဖျော်လိုက်ပါ။ ထို့နောက် ရရှိလာတဲ့အနှစ်ကို ပန်းကန်လုံးထဲထည့်ပါ။ ပျားရည် ထပ်ရောပါ။ ထို့နောက် မျက်နှာနှင့် လည်ပင်းတစ်ဝိုက် လိမ်းကျံလိုက်ပါ။ ၁၅ မိနစ်၊ မိနစ် ၂၀ ခန့်ကြာတဲ့အခါမှာတော့ မျက်နှာသစ်ချလိုက်ပါ။ ဒီနည်းလမ်းကိုတော့ တစ်ပတ်လျှင် ၂ ကြိမ် (သို့) ၃ ကြိမ်ခန့် ပြုလုပ်နိုင်ပါတယ်။
