လက်ရှိ သင်သွားနေကြ ဆံပင်ညှပ်ဆိုင်နဲ့ဘဲ ဆံပင်လုပ်နေတာ ဘယ်လောက်ကြာပြီလဲ ? လက်ရှိလုပ်နေကြ ဆံပင်ညှပ်ဆရာနဲ့ ဆံပင်လုပ်တဲ့အခါတိုင်း စတိုင်ဟောင်း အတိုင်းပဲဖြစ်နေတယ်လို့ ခံစားနေရလား ? ဒီအချက်( ၃ ) ချက်ကို ခံစားနေရပြီဆိုရင်တော့ သေချာတယ် ။ Hair Stylist အသစ်ပြောင်းသင့်နေပါပြီ။

သင်ဆံပင်ညှပ်ဆိုင်ကိုသွားတာက ဆံပင်အလှပြင်တာနဲ့ပက်သတ်ပြီး ယုံကြည်မှုအပြည့်နဲ့ လှနေဖို့ပါ။ ဒီလိုမဟုတ်ဘဲ သင်စိတ်တိုင်းမကျဖြစ်နေရတယ်ဆိုရင်တော့ Hair Stylist အသစ် ပြောင်းသင့်ပါပြီ။

လက်ရှိ Hair Stylist က သင်လိုချင်တဲ့ပုံစံရအောင် လုပ်ပေးဖို့ လုံလောက်တဲ့ အတွေ့အကြုံမရှိဘူး သင့်လက်ရှိဆံသားနဲ့ ဆံပင်စတိုင်လ်ကို သင်လိုချင်တဲ့ပုံစံရအောင် မပြောင်းပေးနိုင်ဘူး ဒါမှမဟုတ် အကြောင်းရင်းကိုမရှင်းပြနိုင်ဘူးဆိုရင် Hair Stylist အသစ် ပြောင်းသင့်ပါပြီ။

ဆံပင်ညှပ်ဆရာတစ်ယောက်အတွက် အရေးအကြီးဆုံး အရည်အချင်းတစ်ခုက နားထောင်တတ်ဖို့ပါပဲ။သင်လိုချင်တာကိုပြောတဲ့အချိန်တွေမှာ သေချာဂရုစိုက်မစိုက်ဘဲ နားမထောင်ဘူးဆိုရင် Hair Stylist အသစ် ပြောင်းသင့်ပါပြီ။