ကိုယ့်ရဲ့ ခြေထောက်နဲ့ ခြေချောင်းများကို ဖြူဖွေးဝင်းပစေချင်တယ်ဆိုရင်တော့ သဘာဝ နည်းလမ်းကောင်းများကို အသုံးပြုနိုင်ပါတယ်။
ခြေထောက် ခြေချောင်းများ မဲညစ်ပြီး အနံ့အသက်မကောင်းဘူးဆိုရင်တော့ ဒီ သဘာဝ နည်းလမ်းကောင်းများကို အခုပဲ ချက်ချင်းအသုံးချလိုက်ပါ။
နည်းလမ်း (၃) မျိုးရှိတဲ့အတွက်ကြောင့် ကိုယ့်အတွက် အဆင်အပြေဆုံးနည်းလမ်းကို ရွေးချယ်ပြုလုပ်နိုင်ပါတယ်။
ပန်းသီးရှာလကာရည်နှင့် အုန်းဆီ အသုံးပြုပါ
လိုအပ်မယ့်ပစ္စည်းများကတော့ ပန်းသီးရှာလကာရည် စားပွဲတင်ဇွန်း ၄ ဇွန်း၊ အုန်းဆီ လက်ဖက်ရည်ဇွန်း ၁ ဇွန်း၊ ရေနွေးနွေး အနည်းငယ်၊ Essential Oil ၁၀ စက်ခန့်တို့ လိုအပ်ပါလိမ့်မယ်။
အရင်ဦးဆုံး ဇလုံတစ်လုံးမျာ ရေနွေးနွေးလေး အရင်ထည့်ပါ။ ထို့နောက် ပန်းသီးရှာလကာရည်၊ အုန်းဆီနှင့် Essential Oil များ ထည့်ကာ သမအောင် ရောမွှေလိုက်ပါ။
ထို့နောက် သင့်ရဲ့ ခြေထောက်ကို ထိုရေနွေးနွေးထဲတွင် ၁၅ မိနစ်မှ မိနစ် ၂၀ ခန့်အထိ စိမ်ထားလိုက်ပါ။ ထိုကဲ့သို့ စိမ်ထားနေချိန်မှာ စာဖတ်တာပဲဖြစ်ဖြစ်၊ တီဗွီကြည့်တာပဲဖြစ်ဖြစ် စိတ်ပြေလက်ပျောက်ပြုလုပ်နိုင်ပါတယ်။
သတ်မှတ်ချိန်ပြည့်တဲ့အခါမှာတော့ ခြေထောက်ကို ခပ်ဖွဖွလေး သုတ်ပေးလိုက်ပါ။ ဒီနည်းလမ်းကို တစ်ပတ်လျှင် တစ်ကြိမ်၊ နှစ်ကြိမ်ခန့် ပြုလုပ်ပေးပါက ခြေချောင်း များ ဖြူဖွေးဝင်းပလာမှာဖြစ်ပါတယ်။
သံပုယိုသီးနှင့် မုန့်ဖုတ်ဆိုဒါ အသုံးပြုပါ
ဒီနည်းလမ်းအတါက် လိုအပ်မယ့် ပစ္စည်းများကတော့ ခေါင်းလျှော်ရည် စားပွဲတင်ဇွန်း ၁ ဇွန်း၊ မုန့်ဖုတ်ဆိုဒါ လက်ဖက်ရည်ဇါန်း ၁ ဇွန်း၊ သံပုယိုရည် လက်ဖက်ရည်ဇွန်း တစ်ဝက်၊ Glycerine စားပွဲတင်ဇွန်း တစ်ဝက်၊ Whitening ပါတဲ့ သွားတိုက်ဆေးအနည်းငယ်၊ ရေနွေးနွေး၊ ရှားစောင်းလက်ပတ်ဂျယ်လ်နှင့် သွားတိုက်တံအဟောင်း တစ်ချောင်းတို့ လိုအပ်ပါလိမ့်မယ်။
အရင်ဦးဆုံး သင့်ခြေချောင်းများကို ရှားစောင်းလက်ပတ်ဂျယ်များ သုတ်လိမ်းပေးလိုက်ကာ ၂ မိနစ်ခန့် သွေးလှည့်ပတ်မှုကောင်းအောင် နှိပ်နယ်ပေးလိုက်ပါ။
ထို့နောက် ပုဝါအစိုတစ်ထည် အသုံးပြုကာ ခြေထောက် ပြန်သုတ်လိုက်ပါ။ ပြီးရင်တော့ ခြေချောင်းများပေါ်တွင် သွားတိုက်ဆေး တင်ထားလိုက်ပါ။ သွားတိုက်တံအဟောင်း အသုံးပြုကာ ဆဲလ်သေများ ဖယ်ရှားဖို့ရန်အတွက် ပွတ်တိုက်ပေးလိုက်ပါ။
ဇလုံတစ်လုံးထဲတွင် ရေနွေးနွေး ထည့်ပါ။ ခေါင်းလျှော်ရည်၊ မုန့်ဖုတ်ဆိုဒါ၊ သံပုယိုရည်နှင့် Glycerin ထည့်ကာ သမအောင် ရောမွှေလိုက်ပါ။ ထို့နောက် သင့်ခြေထောက်ကို ထိုဇလုံထဲထည့်ကာ ၁၅ မိနစ်၊ မိနစ် ၂၀ ခန့် စိမ်ထားလိုက်ပါ။
သတ်မှတ်ချိန်ပြည့်တဲ့အခါမှာတော့ ခြေထောက်ကို ခပ်ဖွဖွလေးသုတ်ကာ Moisturiser လေး သုတ်လိမ်းပေးလိုက်ပါ။
ပျားရည်နှင့် ကော်ဖီ အသုံးပြုပါ
ကော်ဖီမှုန့်အကြမ်းကို သေချာနှပ်ထားပြီးနောက် ရရှိလာတဲ့ ကော်ဖီဖျော်ရည်ကို အသုံးပြုရမှာဖြစ်ပါတယ်။ ထိုကော်ဖီဖျော်ရည် ၂ ခွက်စာ လိုအပ်ပါမယ်။ Epsom Salt စားပွဲတင်ဇွန်း ၈ ဇွန်း၊ ပျားရည် စားပွဲတင်ဇွန်း ၁၆ ဇွန်းနှင့် ရေနွေးနွေးတို့ လိုအပ်ပါမယ်။
ဇလုံတစ်လုံးထဲတွင် ရေနွေးနွေးလေးထည့်ပါ။ နှပ်ထားပြီးသား ကော်ဖီရည်ထည့်ပါ။ Epsom Salt နှင့် ပျားရည်တို့ထည့်ကာ သမအောင် ရောမွှေလိုက်ပါ။ ထို့နောက် သင့်ရဲ့ ခြေထောက်ကို မိနစ် ၃၀ ခန့် စိမ်ထားလိုက်ပါ။
သတ်မှတ်ချိန်ပြည့်တဲ့အခါမှာတော့ ခြေထောက်ကို ညင်ညင်သာသာလေး သုတ်ကာ Moisturiser လေး လိမ်းကျံပေးလိုက်ပါ။
