အခုခေတ်မှာ လူကြီး လူငယ်မရွေး ဘာသာစကား တစ်မျိုးလောက်တော့ တက်ထားသင့်ပါတယ်။ လူငယ်တွေအတွက်ကတော့ ပိုပြီးလိုအပ်တာပေါ့။ ဆယ်တန်းဖြေပြီးတာနဲ့ တခြားသင်တန်းတွေထက် ဘာသာစကားသင်တန်းတွေကို အရင်ဦးစားပေးတက်သင့်ပါတယ်။ တက္ကသိုလ်တက်နေရင်းနဲ့ပဲဖြစ်ဖြစ်၊ အလုပ် လုပ်နေရင်းနဲ့ပဲဖြစ်ဖြစ် အချိန်ပေးပြီး ဘာသာစကားတွေကို သွားတက်သင့်ပါတယ်။

ဒါကြောင့် လူငယ်တွေအနေနဲ့ မဖြစ်မနေအချိန်ပေးတက်ထားသင့်တဲ့ ဘာသာစကား (၃) မျိုးကို ပြောပြပေးလိုက်ပါတယ်။

အင်္ဂလိပ်စာ

အင်္ဂလိပ်စာက အချိန်မရွေး၊ နေရာမရွေး အသုံးဝင်တဲ့အတွက် တက်ကိုတက်ထားသင့်တဲ့ ဦးစားပေးဘာသာစကားဆိုတာကို လူတိုင်းလဲသိပြီးသားဖြစ်မှာပါ။ ကိုယ်က ဘာသာစကားတစ်ခုထဲကိုပဲ တက်ချင်တယ်ဆိုရင် အင်္ဂလိပ်စာတစ်ခုထဲကိုပဲတက်ပါ။ သင်တန်းကြေးပေးပြီး မတက်နိုင်တဲ့သူတွေအတွက်လည်း ပညာဒါနသင်တန်းကျောင်းတွေ အများကြီးရှိပါတယ်။

တရုတ်စာ

rpt

ဘာသာစကားတွေထဲမှာ အင်္ဂလိပ်ပြီးရင် တရုတ်က International သုံးဆိုတော့ တရုတ်စာကိုလည်း တက်ထားသင့်ပါတယ်။ ကိုယ့်အနေနဲ့ တရုတ်စာကောင်းကောင်းတက်ထားပြီဆိုရင် လုပ်ငန်းပိုင်းမှာလည်း အထောက်အကူဖြစ်စေပါတယ်။ တရုတ်စာကောင်းကောင်းတက်ထားပြီဆိုရင် အလုပ်လည်းမရှားတဲ့အပြင် လစာကောင်းတဲ့အလုပ်ကိုရမှာ သေချာပါတယ်။

ဂျပန်စာ

အခုခေတ်မှာတော့ ဂျပန်စာကလည်း တက်ထားသင့်တဲ့ ဘာသာစကားတစ်ခုပါ။ နောက်ပိုင်းမြန်မာနိုင်ငံမှာ ဂျပန်ကုမ္ပဏီတွေတော်တော်များများ ရှိလာတဲ့အတွက် ဂျပန်စကားတက်ထားမယ်ဆို အဆင်ပြေစေမှာပါ။ စာရင်းကိုင်တက်ထားတဲ့သူတွေဆိုရင်လည်း ဂျပန်စကားသာတက်မယ်ဆိုရင် ပုံမှန်ထက်လစာပိုကောင်းလာမှာပါ။

ဒါကြောင့် သင့်အနေနဲ့ ဘာသာစကားအများကြီး မတက်နိုင်ဘူးဆိုရင်တောင် အခုပြောပြပေးသွားတဲ့ သုံးမျိုးထဲက တစ်မျိုးကိုတော့ သေချာလေးအချိန်ယူပြီးတက်သင့်တယ်လို့ အကြံပေးပါရစေနော်။

By MyStyle Myanmar