နေရောင်ခြည်ဒဏ်၊ လေထုနဲ့ ဖုန်မှုန့်အညစ်အကြေးများက ဆံကေသာကို ပျက်စီးစေတဲ့အပြင် ဆံပင်လေမှုတ်စက်၊ ဆံပင်ဖြောင့်စက်၊ ကောက်စက်များကြောင့်လည်း ပျက်စီးစေပါတယ်။ ဆံကေသာကျန်းမာသန်စွမ်းဖို့အတွက် ထုတ်ကုန်အမျိုးမျိူးရှိပေမယ့်လည်း အခုဖော်ပြပေးမယ့် ဆံပင်ပေါင်းနည်းလေးတွေကတော့ ပိုက်ဆံအကုန်အကျမများဘဲ ဆံပင်ကိုသဘာဝအတိုင်းကျန်းမာသန်စွမ်းဖို့ ကူညီပေးပါလိမ့်မယ်။
စတော်ဘယ်ရီ၊ ကြက်ဥအနှစ်၊ သံလွင်ဆီ
Photo Source: www.agein.com
စတော်ဘယ်ရီ ပန်းကန်လုံးတစ်လုံးစာ၊ ကြက်ဥအနှစ်တစ်လုံး၊ သံလွင်ဆီ လက်ဖက်ရည်ဇွန်း ၃ ဇွန်းတို့လိုအပ်ပါတယ်။ စတော်ဘယ်ရီသီးများကို သစ်သီးဖျော်စက်ထဲထည့်ပြီး ရလာသော စတော်ဘယ်ရီအနှစ်များကို ကြက်ဥအနှစ်၊ သံလွင်ဆီတို့နဲ့ ရောလိုက်ပါ။ ပြီးရင် ဆံပင်ပေါ်မှာ သုတ်လိမ်းပြီး Shower Cap နဲ့ ဆံပင်ကို အုပ်ထားလိုက်ပါ။ မိနစ် ၂၀၊ ၃၀ ခန့်ကြာမှ ရေအေးနဲ့ ဆေးချလိုက်ပါ။ ပြီးမှ မိမိကြိုက်နှစ်သက်ရာ Conditioner အသုံးပြုပြီး ၅ မိနစ်ခန့်ကြာမှ ခေါင်းပြန်လျှော်ပေးလိုက်ပါ။
ငှက်ပျောသီး၊ ထောပတ်သီး၊ အုန်းဆီ
Photo Source: Pinterest.com
မှည့်ပြီးသား ထောပတ်သီးတစ်လုံး၊ မှည့်ပြီးသား ငှက်ပျောသီးတစ်လုံးနဲ့ အုန်းဆီ လက်ဖက်ရည်ဇွန်း ၂ ဇွန်း တို့ လိုအပ်ပါတယ်။ ပါဝင်ပစ္စည်းများကို သစ်သီးဖျော်စက်ထဲမှာ အကုန်ကြိတ်ချေပြီးရင် ဦးရေပြားပေါ်မှာ အသာအယာသုတ်လိမ်းပေးပြီး မိနစ် ၂၀၊ ၃၀ ခန့် ထားထားပါ။ ပြီးမှ မိမိကြိုက်နှစ်သက်ရာ ခေါင်းလျှော်ရည်နဲ့ Conditioner အသုံးပြုပြီး ခေါင်းလျှော်ချလိုက်ပါ။ ခေါင်းလျှော်ပြီးသွားရင် ဆံပင်ကို သဘာဝအတိုင်းအခြောက်ခံရပါမယ်။ ဆံပင်ခြောက်သွားရင်တော့ နူးညံ့ပျော့ပျောင်းတဲ့ ဆံကေသာကို ပိုင်ဆိုင်နိုင်ပါပြီ။
ထောပတ်သီး၊ ပျားရည်၊ သံလွင်ဆီ
Photo Source: Pinterest.com
မှည့်ပြီးသား ထောပတ်သီးတစ်လုံး၊ သံလွင်ဆီ လက်ဖက်ရည်ဇွန်း ၂ ဇွန်း၊ ပျားရည် လက်ဖက်ရည်ဇွန်း ၂ ဇွန်းတို့ကို အတူတကွနှံ့စပ်သွားအောင် ကြိတ်ချေပြီး နယ်ပြီးရင် ဆံကေသာပေါ်သို့ သုတ်လိမ်းလိုက်ပါ။ အထူးသဖြင့် ဦးရေပြားကို သေချာသုတ်လိမ်းပေးပါ။ ပြီးရင် Shower Cap နဲ့ ဆံပင်ကိုအုပ်ထားပြီး မိနစ် ၃၀ ကြာမှ ပုံမှန်အတိုင်း ခေါင်းလျှော်ပေးလိုက်ပါ။ ပါဝင်ပစ္စည်းများက ပျက်စီးခြောက်သွေ့နေတဲ့ သင့်ဆံကေသာကို အစိုဓာတ်ရအောင် ပြုလုပ်ပေးပြီး ပျားရည်ကတော့ သင့်ဆံကေသာကို ပိုမိုတောက်ပြောင်လာအောင် ကူညီပေးပါလိမ့်မယ်။
Featured Image Source: Hair Stories
