အထိုင်များတဲ့သူတွေက ကိုယ်လက်နာကျင်ကိုက်ခဲတာ၊ မအီမသာဖြစ်တာ၊ အဓိကကတော့ ခါးနာတာတွေ၊ နောက်ကျောနာတာတွေ အရမ်းဖြစ်ပါတယ်။ ဒါကြောင့် အလုပ်များပြီး အထိုင်များနေရတဲ့ busy woman တွေအနေနဲ့ နေ့တိုင်းလုပ်ပေးသင့်တဲ့ ယောဂကျင့်စဉ်တွေကို ဖော်ပြပေးလိုက်ပါတယ်။
Cat-Cow Pose
ယောဂဖျာပေါ်မှာ လေးဘက်ထောက်ပြီး ခြေထောက်ကိုဆန့်ထားပါ။ လက်နှစ်ဖက်ကို ဆန့်တန်းနေအောင်ထောက်ထားပြီး ခါးကို ကော့ထားပါ။ ပုံမှာပြထားတဲ့ အဲ့ပုံစံ Cat-Cow Pose အတိုင်းနေပြီး အသက်ကို ရှူသွင်းရှူထုတ် ပုံမှန်လုပ်ကာ စက္ကန့် ၃၀ နေပေးပါ။
Downward Dog Pose
ပုံမှာပြထားတဲ့အတိုင်းကုန်းတဲ့အခါမှာ ခြေထောက်ကလည်း ဆန့်ထားရပါမယ်။ ကွေးနေလို့မရပါဘူး။ ခါး၊ ကျောနဲ့ လက်နှစ်ဖက်ကလည်း တစ်ပြေးထဲ ဆန့်တန်းထားရပါမယ်။ ခြေဖဝါးနဲ့လက်ဖဝါးက ယောဂဖျာနဲ့ ထိနေရပါမယ်။ အဲ့ဒီ Downward Dog Pose အတိုင်း စက္ကန့် ၃၀ နေပေးရပါမယ်။
Half Standing Forward Bend
ဒီယောဂကျင့်စဉ်ကတော့ ခြေထောက်ကို တန်းနေအောင်ဆန့်ထားပြီး ကျော၊ ခါးနဲ့ ခေါင်းကို ပုံမှာပြထားတဲ့အတိုင်း တစ်ပြေးထဲဖြစ်အောင်ထားပါ။ လက်နှစ်ဖက်ကိုလည်း ရှေ့ကိုဆန့်ထုတ်ထားရပါမယ်။ အလွတ်မလုပ်နိုင်ရင် လက်နှစ်ဖက်ကို နံရံမှာ ကပ်ပြီး တွန်းထားသလိုပုံစံလုပ်လည်း ရပါတယ်။ အဲ့အတိုင်း စက္ကန့် ၃၀ နေပေးရမှာပါ။
Bridge Pose
ယောဂဖျာနဲ့ ခြေဖဝါးနဲ့ကိုထိထားပြီး ဒူးထောင်ပါ။ ခေါင်းကို ယောဂဖျာနဲ့ထိထားပြီး လက်နှစ်ဖက်ကို ပုံမှာပြထားတဲ့အတိုင်း လက်သီးနှစ်ဖက်ဆုပ်ထားပြီး ခန္ဓာကိုယ်အောက်ထဲထားပါ။ လက်နှစ်ဖက်လုံးကလည်း ယောဂဖျာနဲ့ထိနေရပါမယ်။ ပေါင်၊ တင်ပါးနဲ့ ခန္ဓာကိုယ်အပေါ်ပိုင်းကို အပေါ်ကိုကော့ထားပေးပါ။ အဲ့ဒီ Bridge Pose အနေအထားအတိုင်း စက္ကန့် ၃၀ နေပေးပါ။
Child Pose
တင်ပါးအောက်ထဲ ခြေဖဝါးထည့်ပြီး ခြေဖနောင့်နဲ့ တင်ပါးနဲ့ ထိနေရပါမယ်။ ကျောကိုတစ်ပြေးတည်းဖြစ်အောင် ကုန်းထားပြီး ခေါင်းကိုငုံ့ကာ နဖူးနဲ့ ယောဂဖျာနဲ့ထိနေရပါမယ်။ လက်နှစ်ဖက်ကိုတော့ ရှေ့ကိုဆန့်ထုတ်ထားပါ။ ဒီလို Child Pose အတိုင်း စက္ကန့် ၃၀ နေပေးရပါမယ်။
source:www.timesofindia.indiatimes.com
