ဒီနှစ်နွေရာသီနဲ့လိုက်ဖက်ပြီး ရေပန်းစားလာမယ့် လက်သည်းနီဒီဇိုင်းဆန်းဆန်းတွေ

မင်္ဂလာပါ ပျိုမေတို့ရေ။ လက်သည်းနီကို ပုံစံမထပ်ရအောင် တစ်မျိုးပြီးတစ်မျိုးစမ်းဆိုးချင်တဲ့သူတွေအတွက် အခုနှစ်နွေရာသီအတွက် နိုင်ငံခြား Cele တွေကြား လူကြိုက်များပြီး Trend ဖြစ်နေတဲ့ လက်သည်းဒီဇိုင်းဆန်းဆန်းလေးတွေကို ဖော်ပြပေးလိုက်ပါတယ်။ ကိုယ့်အကြိုက်နဲ့ ထပ်တူကျပီး ဆိုးချင်စိတ်ဖြစ်စေမယ့် ဒီဇိုင်းသစ်လေးတွေ ပါလာမလား စိတ်ဝင်စားရင် ကြည့်လိုက်ရအောင်နော်-

Pastel အရောင်လေးတွေ

အရောင်နုနုတွေက စိတ်ကိုလန်းဆန်းစေသွားတာမို့ ပူပြင်းတဲ့ရာသီမှာဆိုးဖို့အတွက် အဆင်ပြေပါတယ်။ ဘယ်တော့မှ မရိုးဘဲ ဆိုးရလည်းလွယ်တာမို့ ဒီလိုအရောင်နုလေးတွေ ဆိုးကြည့်ပါ။

3D Nails

ဖောင်းကြွပုံစံ 3D လက်သည်းတွေက လက်သည်းအတုတပ်လို့လည်းလှသလို တကယ့်လက်သည်းမှာ ဆိုးရင်လည်း တစ်မျိုးလေးထင်းစေပါတယ်။ အရောင်စိုစိုလေးတွေ စပ်ထားတဲ့ 3D ဒီဇိုင်းလေးတွေ ရွေးဆိုးကြည့်ပါ။

Glazed Donut Nails

Glazed Donut လက်သည်းပုံစံကလည်း ၂၀၂၂ ကနေ အခုအချိန်အထိ နာမည်ကြီး Cele တွေကြား လူကြိုက်များနေဆဲဖြစ်တဲ့ ဒီဇိုင်းဆန်းလေးပါ။ အရောင်လက်နေအောင် ဆိုးရတာမို့ လက်ချောင်းလေးတွေ ထင်းနေစေမှာပါ။

French Tips Nail

ထိပ်ပိုင်းမှာ တစ်ရောင်ဆိုးရတဲ့ French Tips လေးတွေကလည်း ဘယ်တော့မှမရိုးဘဲ အသားအရောင်မရွေးလိုက်ဖက်ပါတယ်နော်။

Ombre Nail

နှစ်ရောင်စပ်ပုံစံ အရောင်ပြေးဒီဇိုင်းလေးဖြစ်ပြီး အမြင်ရှင်းရှင်းလေးနဲ့ အရမ်းလှပါတယ်။

Airbrush Nail

Airbrush ဒီဇိုင်းလေးက အရောင်အနုအရင့်ပေါင်းပြီး အရောင်ပြေးပုံစံ ဆိုးပေးရတာဖြစ်ပါတယ်။ အသားအရောင်မရွေးလိုက်ဖက်တဲ့ ဒီဇိုင်းလေးမို့ လက်သည်းနီကြိုက်တဲ့ ပျိုမေတိုင်း စမ်းဆိုးကြည့်သင့်ပါတယ်။

Photo Source: Pinterest