ဘယ်လိုအကြောင်းအမျိုးမျိုးကြောင့်ပဲဖြစ်ဖြစ် ဝမ်းနည်းနေတဲ့စိတ်ကို ပျောက်အောင်လုပ်ပေးနိုင်မယ့် အရာတွေကို ပြောပြပေးလိုက်ပါတယ်။ ဒီအရာတွေကိုလုပ်ပြီး ဝမ်းနည်းနေတဲ့စိတ်ကို အမြန်ဆုံးပျောက်အောင် လုပ်ပေးနိုင်ပါတယ်။
သူငယ်ချင်းတွေနဲ့တွေ့ပါ
သူငယ်ချင်းတွေနဲ့တွေ့ပြီး စကားတွေပြော၊ မုန့်တွေစား၊ အပြင်တွေလျှောက်သွားပြီးနေရင် စိတ်ကအလိုလိုပျော်လာပါတယ်။ စိတ်သက်သာရာရပြီး ပေါ့သွားစေပါတယ်။ ဒါကြောင့်လည်း ဝမ်းနည်းနေတဲ့စိတ်က ပျောက်သွားစေပါတယ်။
ရယ်စရာတွေကြည့်ပါ
ဘယ်လိုအကြောင်းအမျိုးမျိုးကြောင့်ပဲဖြစ်ဖြစ် ဝမ်းနည်းနေပြီဆိုရင် အပြင်လည်းမသွားဖြစ်ဘူးဆို အိမ်မှာ ရယ်စရာတွေ ထိုင်ကြည့်နေပါ။ စိတ်သက်သာရာရပြီး ဝမ်းနည်းနေတဲ့စိတ်က အကုန်လုံးပျောက်မသွားရင်တောင် လျော့ကျသွားပါလိမ့်မယ်။
တစ်ယောက်ထဲမနေပါနဲ့
ဝမ်းနည်းနေချိန်မှာ တစ်ယောက်ထဲနေရင် လျှောက်တွေးနေမိပြီး ပိုခံစားရပါတယ်။ တစ်ချိန်လုံးတွေးနေမိပြီး ငိုနေရမှာပါ။ ဒါကြောင့် တစ်ယောက်ထဲမနေပါနဲ့။ သူငယ်ချင်း အပေါင်းအသင်းနဲ့ တွေ့ဖြစ်အောင်တွေ့ပါ။ စကားတွေပြောနေပါ။ စိတ်သက်သာရာရပါလိမ့်မယ်။
ကိုယ့်စိတ်ထဲရှိတာတွေလုပ်ကြည့်ပါ
ကိုယ့်စိတ်ထဲမှာရှိတာတွေ၊ ကိုယ်လုပ်ချင်တာတွေ လုပ်လိုက်ရရင် ပျော်ရတဲ့စိတ်လေး ဝင်လာပါတယ်။ ဒါကြောင့် ဝမ်းနည်းနေချိန်မှာ ဘာမှမလုပ်ပဲနေတာထက်စာရင် ဒီလိုကိုယ်လုပ်ချင်တာလေးတွေ လုပ်ပြီးနေတာက စိတ်သက်သာရာရစေပါတယ်။