ဆောင်းရာသီမှာဗောက်မထအောင်ကြိုတင်ကာကွယ်နိုင်မယ့်နည်းလမ်း

ဆောင်းရာသီမှာ ဗောက်ထတာ သဘာဝလိုပါပဲ။ ဖြစ်မှ ပျောက်အောင်လုပ်တာထက် မဖြစ်ခင်ထဲက ကြိုတင်ကာကွယ်တာ ပိုကောင်းပါတယ်။ ဒါကြောင့် ဆောင်းရာသီမှာ ဗောက်မထအောင် ကြိုတင်ကာကွယ်နိုင်မယ့် နည်းလမ်းကို မျှဝေပေးလိုက်ပါတယ်။ မိန်းကလေးတိုင်းအတွက် အသုံးဝင်မယ်လို့ ထင်ပါတယ်။ တချို့ယောင်္ကျားလေးတွေမှာလည်း ဗောက်ပြဿနာတွေဖြစ်တတ်တာကြောင့် ဒီနည်းလမ်းကို သုံးနိုင်ပါတယ်။

ကိုယ်သုံးမယ့်ခေါင်းလျှော်ရည်နဲ့ Conditioner ထဲကို Tea tree oil ၅ စက်လောက်ထည့်ပြီး သုံးပေးပါ။ ဒီလိုမလုပ်ချင်ရင် တစ်ပတ် ၂ ကြိမ် ဦးရေပြားကို Tea tree oil ထည့်ပေးပြီး massage လုပ်နှိပ်နယ်ပေးပါ။ ဒီလိုလုပ်ပေးခြင်းက ဗောက်မထအောင် ကြိုတင်ကာကွယ်ပေးနိုင်ပြီး ဗောက်ထနေရင်လည်း သက်သာသွားစေပါတယ်။

ဗောက်ထမှာကြောက်ရင် ခေါင်းလျှော်ရည်ကို နူးညံ့တဲ့ Mild Shampoo သုံးပေးပါ။ Conditioner သုံးရင်လည်း ဆံသားကိုပဲ သုံးပေးပါ။ ဦးရေပြားကို လုံးဝမသုံးပါနဲ့။ ဦးရေပြားကိုသုံးပြီး သေချာစင်အောင် ရေမလောင်းနိုင်ရင်၊ သေချာပြောင်အောင် မလျှော်နိုင်ရင် ဗောက်ထပါလိမ့်မယ်။

ဆောင်းတွင်းမှာ ဦးရေပြားက ခြောက်သွေ့တတ်ပါတယ်။ ဦးရေပြားခြောက်ရင် ဗောက်ထလွယ်တဲ့အတွက် ဆီလိမ်းပေးပါ။ Hair Oil, Hair Essencial သုံးပေးပါ။

ခေါင်းခဏခဏလျှော်ရင် ဦးရေပြားခြောက်ပြီး ဗောက်ပိုထစေတဲ့အတွက် ဆောင်းတွင်းမှာ ခေါင်းခဏခဏမလျှော်ပါနဲ့။ ခေါင်းလျှော်ရင်လည်း ရေနွေးလုံးဝမသုံးပါနဲ့။ ရေအေးနဲ့ပဲလျှော်ပါ။