လက်သည်း၊ ခြေသည်းမှိုစွဲတာကို ဖြေးဖြေးချင်းစီသက်သာလာပြီး ပျောက်သွားတဲ့အထိလုပ်ပေးနိုင်မယ့် နည်းလမ်းကောင်း ၃ မျိုးကို မျှဝေပေးလိုက်ပါတယ်။ ဒီထဲကမှ ကိုယ်ကြိုက်နှစ်သက်ရာ၊ ကိုယ်အဆင်ပြေမယ့်အရာကို ရွေးပြီးလုပ်ပေးပါ။
Tea Tree Oil
လက်သည်း၊ ခြေသည်း မှိုစွဲတဲ့နေရာကို Tea Tree Oil တိုက်ရိုက်ထည့်ပေးပါ။ နားကလော်တဲ့ ဂွမ်းတံလေးနဲ့ယူပြီး ထည့်ပေးပါ။ တစ်နေ့ကို ၂ ကြိမ် ထည့်ပေးရပါမယ်။ မပျောက်မချင်း ပုံမှန်လုပ်ပေးရမှာပါ။
Vinegar (ရှာလကာရည်)
ခြေသည်းမှိုစွဲတာဆိုရင်တော့ အလွယ်တကူ Vinegar (ရှာလကာရည်) ကို သုံးလို့ရပါတယ်။ လုပ်ရမယ့်ပုံစံကတော့ Vinegar (ရှာလကာရည်) – ၁ ဆနဲ့ ရေနွေး ၂ ဆကို ရောမွှေပြီး မှိုစွဲနေတဲ့ခြေသည်း (သို့) ခြေထောက်ကို မိနစ် ၂၀ စိမ်ထားရပါမယ်။ ဒီနည်းလမ်းကိုလုပ်မယ်ဆိုရင် တစ်ရက်ခြား တစ်ခါလုပ်ပေးရပါမယ်။ မပျောက်မချင်းလုပ်ရပါမယ်။
ကြက်သွန်ဖြူ
ကြက်သွန်ဖြူကို နုတ်နုတ်စင်းတာပဲဖြစ်ဖြစ်၊ ထောင်းတာပဲဖြစ်ဖြစ်လုပ်ပြီး မှိုစွဲနေတဲ့ ခြေသည်း၊ လက်သည်းပေါ်မှာ မိနစ် ၃၀ အုံထားလိုက်ပါ။ ဒီနည်းလမ်းကိုလုပ်မယ်ဆိုရင် နေ့တိုင်းလုပ်ပေးရပါမယ်။ မပျောက်မချင်းလုပ်ပေးပါ။
