အလှအပကြိုက်တဲ့ မိန်းကလေးတွေအတွက် အမြဲတမ်းလှနေစေဖို့ ခရီးသွားတဲ့အခါမှာလိုအပ်တဲ့၊ ထည့်သွားသင့်တဲ့ ဖက်ရှင်တွေကို ဖော်ပြပေးလိုက်ပါတယ်။ ခရီးသွားရင် ဘယ်အဝတ်အစားတွေ ထည့်သွားရမလဲဆိုတာကို စဉ်းစားရခက်နေသူများအတွက်လည်း အသုံးဝင်စေမှာပါ။
ခရီးသွားတဲ့အခါမှာ ဘယ်နေရာကိုပဲသွားသွား အပေါ်ထပ် cardigan လေးတစ်ထည်ကတော့ လိုကိုလိုပါတယ်။ မရှိမဖြစ်လိုအပ်တာကြောင့် ထည့်သွားသင့်ပါတယ်။
ကိုယ်ခရီးသွားမယ့်နေရာက ဘယ်နေရာပဲဖြစ်နေပါစေ ဂါဝန်အဖြူအရှည်လေး တစ်ထည်ကတော့ လိုမှာပါ။ ဒီဂါဝန်လေးဝတ်ပြီး ဓာတ်ပုံရိုက်ရင် ခရီးသွားတဲ့ vibe ကို အပြည့်အဝရစေပါတယ်။
ဂါဝန်တွေဝတ်ရတာကြိုက်ရင်၊ မိန်းကလေးဆန်တာလေးတွေလည်း ကြိုက်ရင်တော့ ဂါဝန်ရှည်လှလှလေးတွေ ထပ်ထည့်သွားပါ။ ခရီးသွားတဲ့အခါမှာ ဂါဝန်အရှည်လေးတွေဝတ်ပြီး ဓာတ်ပုံရိုက်ရင် အရမ်းလှပါတယ်။
ခရီးသွားရင် ဂါဝန်အရှည်လိုပဲ စကပ်အရှည်ကားကားလေးတွေကလည်း အရမ်းအသုံးဝင်ပါတယ်။ ဓာတ်ပုံရိုက်ရင်လည်း အရမ်းလှသလို ခရီးသွားတဲ့အခါဝတ်ရတာလည်း ပေါ့ပါးမှုရှိပြီး အရမ်းအဆင်ပြေပါတယ်။
ခရီးသွားတဲ့အခါမှာ ဘောင်းဘီအရှည်အပွတွေလည်း လိုအပ်ပါတယ်။ ဝတ်ရတာ ပေါ့ပါးမှုရှိပြီး သက်တောင့်သက်သာဖြစ်စေသလို ခရီးသွားတဲ့ဖက်ရှင်အနေနဲ့လည်း လိုက်ဖက်မှုရှိစေပါတယ်။
ခရီးသွားတဲ့အခါမှာ မဖြစ်မနေထည့်သွားသင့်တာကတော့ ဂျင်းဘောင်းဘီအရှည်ပါ။ ဘယ်နေရာသွားသွား အရမ်းအသုံးဝင်စေတဲ့ ဖက်ရှင်ဖြစ်ပါတယ်။
ခရီးသွားတဲ့အခါမှာ ဘုရားဖူးသွားတာကလွဲလို့ ကျန်တဲ့နေရာတွေဆိုရင် စကပ်အတိုလေး ထည့်ဖြစ်အောင်ထည့်ပါ။ စကပ်အတိုလေးက အရမ်းချစ်ဖို့ကောင်းသွားစေမယ့် ဖက်ရှင်မျိုးပါ။
ခရီးသွားတဲ့အခါမှာ ချစ်စရာကောင်းတဲ့၊ လှပတဲ့ ဂါဝန်အတိုလေးတွေကိုလည်း ထည့်သွားဖို့မမေ့ပါနဲ့။ ဒီဂါဝန်တိုလေးတွေကိုဝတ်ပြီး sneakers အဖြူလေးသာစီးလိုက်မယ်ဆိုရင်တော့ perfect ဖြစ်ပြီး ချစ်ဖို့ကောင်းနေမှာပါ။
ခရီးသွားရင် ဂါဝန်အဖြူလေးတွေက အရှည်ပဲဖြစ်ဖြစ်၊ အတိုပဲဖြစ်ဖြစ် အရမ်းအသုံးဝင်ပါတယ်။ ခရီးထွက်တဲ့အခါမှာ ဝတ်ဖို့အတွက် အလိုက်ဖက်ဆုံးဖက်ရှင်လို့လည်း ပြောလို့ရပါတယ်။ ကိုယ်က အရှည်မဝတ်ချင်တဲ့သူဆိုရင် ဂါဝန်အဖြူကို အတိုလေးသာထည့်သွားပါ။
ခရီးသွားတဲ့အခါမှာ ကိုယ်ဝတ်ထားတဲ့အဝတ်အစားက ပေါ့ပါးမှုရှိနေရင် သွားရလာရတာ အရမ်းအဆင်ပြေပါတယ်။ ဒါကြောင့် ကိုယ့်အတွက် ပေါ့ပါးမှုရှိစေမယ့် ဒီလိုဖက်ရှင်လေးတွေကိုလည်း ထည့်သွားဖို့မမေ့ပါနဲ့။
