ရည်းစားဟောင်းကို မမေ့နိုင်သေးရင် အရင်ဆုံး move on ရအောင်လုပ်ပါ။ ပြီးမှ နောက်တစ်ယောက်ထပ်ထားပါ။ ရည်းစားဟောင်းကို မမေ့နိုင်သေးပဲ အသစ်ထားရင်တော့ တစ်ဖက်လူအတွက်လည်း မကောင်းပါဘူး။ သူနဲ့တွဲနေရင်း ရည်းစားဟောင်းက ရင်ထဲရှိနေတာကြီးက အဆင်မပြေပါဘူး။ ရည်းစားဟောင်းကိုမမေ့နိုင်သေးပဲ အသစ်ထားတဲ့အခါမှာ ဒီလိုအရာတွေ ဖြစ်လာပါလိမ့်မယ်။
ပျော်ရွှင်မှုအပြည့်အဝမရခြင်း
အသစ်နဲ့အပြည့်အဝပျော်ရွှင်နေရမယ့်အချိန်မှာ ရည်းစားဟောင်းကို မမေ့နိုင်သေးတော့ သူ့အကြောင်းတွေ ခေါင်းထဲရောက်လာပြီး အပြည့်အဝမပျော်နိုင်ပါဘူး။ ဒါ့အပြင် ရည်းစားဟောင်းကိုလည်း မမေ့နိုင်၊ လက်ရှိလူအပေးမှာလည်း စိတ်ခံစားချက်က မသေချာတော့ ကိုယ့်ကိုယ်ကို စိတ်ဒုက္ခပေးသလို ဖြစ်နေစေပါတယ်။
ခဏခဏရန်ဖြစ်စကားများရခြင်း
ကိုယ်တိုင်ကိုက ရည်းစားဟောင်းကို မမေ့နိုင်သေးတာဖြစ်တဲ့အတွက် လက်ရှိရည်းစားက ဘယ်လောက်ပဲ ကောင်းပေးနေပါစေ၊ ချစ်ပေးနေပါစေ ကိုယ်တိုင်ကိုက အလိုမကျတွေဖြစ်ပြီး ပြဿနာရှာမိတာ၊ လက်ရှိရည်းစားအပေါ်မှာ ကိုယ့်အနေနဲ့ မကောင်းပေးနိုင်တာတွေကြောင့် ခဏခဏ ရန်ဖြစ်စကားများနေရပါလိမ့်မယ်။
စိတ်ပင်ပန်းခြင်း
ကိုယ်တိုင်က စိတ်မပြတ်သားတဲ့အတွက် အမြဲစိတ်ပင်ပန်းနေရပါလိမ့်မယ်။ ရည်းစားဟောင်းကို မမေ့နိုင်သေးရင် အသစ်ထပ်မထားသင့်ပါဘူး။ ပျော်စရာရှိရင်တောင် အပြည့်အဝမပျော်နိုင်တာ၊ စိတ်ပင်ပန်းပြီး အလိုမကျတာ၊ အတွေးတွေများနေတာမျိုးတွေ ဖြစ်နေပါလိမ့်မယ်။
တစ်ဖက်လူအတွက်မမျှတခြင်း
တစ်ဖက်လူက ကိုယ့်အပေါ်အရမ်းကောင်းပြီး တကယ်ချစ်သွားမိရင် ကိုယ်က ရည်းစားဟောင်းကို မမေ့သေးတဲ့အတွက် မမျှတရာကျပါတယ်။ တစ်ဖက်လူနေရာမှာ ကိုယ်ဆိုရင်ကော ဘယ်လိုဖြစ်မလဲ၊ ဘယ်လိုခံစားရမလဲဆိုတာကို တွေးပေးသင့်ပါတယ်။
ခဏလေးနဲ့ထပ်လမ်းခွဲရခြင်း
ရည်းစားဟောင်းကို မမေ့နိုင်သေးပဲ အသစ်ထပ်ထားရင် အဆင်မပြေနိုင်တာတွေ များတဲ့အတွက် ခဏလေးနဲ့ ထပ်လမ်းခွဲရတာမျိုးတွေ ကြုံရနိုင်ပါတယ်။ နောက်လူအပေါ်မှာလည်း သံယောဇဉ်ဖြစ်သွားရင် ကိုယ်ပဲထပ်ခံစားရမှာပါ။ ဒါကြောင့် အသစ်ထားမယ်ဆိုလည်း ရည်းစားဟောင်းကို အရင် move on လုပ်နိုင်အောင် ကြိုးစားသင့်ပါတယ်။
