ခြေသလုံးမွှေးနဲ့ဂျိုင်းမွှေးကို ရိတ်ပြီးတဲ့အခါမှာ အသားအရေမပျက်စီးအောင် လိမ်းပေးသင့်တဲ့အရာများ

တချို့မိန်းကလေးတွေက waxing လုပ်ကြပေမယ့် တချို့ကျတော့ ခြေသလုံးမွှေးနဲ့ ဂျိုင်းမွှေးတွေကို ရိတ်ကြတာပါ။ ရိတ်တာက အသားအရေ ပိုပျက်စီးစေပါတယ်။ အသီးထတာတွေ ဖြစ်စေပါတယ်။ ဒါကြောင့် ခြေသလုံးမွှေးနဲ့ဂျိုင်းမွှေးကို ရိတ်ပြီးတဲ့အခါမှာ အသားအရေမပျက်စီးအောင် လိမ်းပေးသင့်တဲ့အရာတွေကို ပြောပြပေးလိုက်ပါတယ်။

Vaseline

ခြေသလုံးမွှေး ရိတ်ပြီးတဲ့အခါမှာတော့ လွယ်လွယ်ကူကူ vaseline ကို သုံးပေးလို့ရပါတယ်။ ခြေသလုံးမွှေးရိတ်ပြီးသွားရင် vaseline ကိုလိမ်းပြီး ၁၅ မိနစ်လောက်ထားပါ။ အချိန်ပြည့်မှ ရေဆေးချလိုက်ပါ။ ဒီလိုလုပ်ပေးမှ အသားခြောက်သွားတာ သက်သာစေပြီး အစိုဓာတ်ချက်ချင်း ပြန်ရစေတာပါ။

ပျားရည်

ခြေသလုံးမွှေးရိတ်ပြီးရင် ပျားရည်လိမ်းပေးလို့လည်း ရပါတယ်။ ပျားရည်လိမ်းပေးပြီး ၁၅ မိနစ်လောက်ကြာမှ ရေနဲ့စင်အောင်ဆေးချလိုက်ပါ။ ဒီလိုလိမ်းပေးခြင်းက ပျားရည်အသားထဲကိုစိမ့်ဝင်သွားပြီး အသားအရေက နူးညံ့ချောမွေ့သွားစေပါတယ်။

သံလွင်ဆီနဲ့ Vitamin E

ဂျိုင်းမွှေးရိတ်ပြီးတဲ့အခါမှာတော့ သံလွင်ဆီ ဒါမှမဟုတ် vitamin E ကို လိမ်းပေးရင် အသားအရေ မပျက်စီးစေပါဘူး။ အသီးထတာမျိုးတွေ မဖြစ်စေပါဘူး။ ဒါတွေက chemical မပါတဲ့အတွက် ဂျိုင်းမွှေးရိတ်ပြီး နူးညံ့သွားတဲ့ အသားအရေက လုံးဝထိခိုက်မှု မရှိစေပါဘူး။

ရှားစောင်းလက်ပတ်

ဂျိုင်းမွှေးရိတ်ပြီးသွားတဲ့အခါမှာ ရှားစောင်းလတ်ပတ်ကို အသုံးပြုပေးလို့လည်း ရပါတယ်။ ရှားစောင်းလတ်ပတ်ဂျယ်လ်ကို ဂျိုင်းမှာ သေချာပွတ်လိမ်းပြီး ခြောက်သွားမှ ရေဆေးချလိုက်ပါ။ ဒါဆိုရင် ဂျိုင်းသားယားယံတာ၊ အသားအရေပျက်စီးတာတွေလည်း မဖြစ်တော့ပါဘူး။