အပြစ်အနာအဆာကင်းတဲ့ အသားအရေမျိုးရဖို့အတွက် လိမ်းသင့်တဲ့ skincare အဆင့်တွေနဲ့ ပုံမှန်ဂရုစိုက်ပေးရမယ့်အရာတွေကို ပြောပြပေးလိုက်ပါတယ်။

ရေ

မနက်အိပ်ယာနိုးတာနဲ့ ဘာမှမလုပ်သေးပဲ ရေတစ်ခွက် အရင်သောက်ပါ။ ပြီးမှ လုပ်စရာရှိတာ ဆက်လုပ်ပါ။ တစ်နေ့တာအတွက်လည်း ရေကို များများသောက်ပါ။ ရေခဲရေ၊ ရေနွေးကြမ်းမသောက်ပဲ ရိုးရိုးရေကိုသာ များများသောက်ပါ။

Double cleansing

Double cleansing မလုပ်ပဲနဲ့ အသားအရေမကောင်းနိုင်ပါဘူး။ မိတ်ကပ်လိမ်းလိမ်း၊ မလိမ်းလိမ်း ညဘက်ရောက်တာနဲ့ makeup remover နဲ့ အရင်ဖျက်ပြီးမှ မျက်နှာသစ်ဆေးနဲ့သစ်ပါ။

Toner

Skincare step တွေထဲမှာ Toner ကလည်း မရှိမဖြစ်မို့ ကျော်သွားလို့မရပါဘူး။ Toner သုံးတဲ့အခါမှာ တခြားအရာထက် Hydrating Toner ကိုပဲ ရွေးသုံးတာ ပိုကောင်းပါတယ်။

Moisturizer

Moisturizer လိမ်းမှ အသားအရေစိုပြည်ပြီး ရေဓာတ်ပြည့်နေမှာပါ။ ဒါမှလည်း အသားအရေကောင်းမှာပါ။ Skincare ပစ္စည်းတွေဝယ်တော့မယ်ဆိုရင် Moisturizer ကိုသာ ကောင်းကောင်းရွေးဝယ်ပါ။

Serum

အသားအရေပိုပြီးကောင်းဖို့အတွက် သေချာပံ့ပိုးနေမယ့်အရာက Serum ပါ။ Serum ကို သေချာကောင်းကောင်းလေး ရွေးသုံးရင် အသားအရေစိုပြည်ပြီး အသားကြည်လာပါလိမ့်မယ်။

Scrub

Scrub လုပ်ပေးခြင်းက ဆဲလ်သေတွေကွာကျပြီး အသားအရေပိုကြည်လာစေတယ်။ လိမ်းမယ့် skincare တွေကို ကောင်းကောင်းစုပ်ယူနိုင်တယ်။ အညစ်အကြေးတွေလည်း လုံးဝပြောင်ရှင်းသွားစေတယ်။ ကြာလာရင် အမဲစက်နဲ့အမာရွတ်တွေပါ ပါးသွားစေတယ်။ ဝက်ခြံလည်း သက်သာစေတာကြောင့် အပြစ်အနာအဆာကင်းတဲ့ Flawless skin ရဖို့ ဒီအဆင့်ကလည်း အရေးကြီးပါတယ်။

ပုံမှန်ဂရုစိုက်ရမယ့်အရာ

အပြစ်အနာအဆာကင်းတဲ့ Flawless skin ရဖို့အတွက် ဝမ်းချုပ်လို့လည်း မဖြစ်ပါဘူးနော်။ ဝမ်းချုပ်ရင် ဖုတွေထွက်ပြီး အသားအရေညစ်ပါလိမ့်မယ်။ နောက်တစ်ခုကတော့ ခေါင်းဦးစွပ်ကို ၅ ရက်တစ်ခါလောက် လဲပေးပါ။ ခေါင်းဦးစွပ်ညစ်ပတ်ရင်လည်း အသားအရေညစ်ပြီး ဖုတွေထွက်စေပါတယ်။