နေ့တိုင်းအပြင်ထွက်နေရလို့ Makeup လိမ်းပြီးပြင်ဆင်ရတယ်ဆိုရင်လည်း အမြဲတမ်း Full Makeup ခြယ်သတာမျိုး မလုပ်ပဲ ပါးပါးလေးပဲ လိမ်းခြယ်ပါ။ Makeup က နေ့တိုင်းလိမ်းတာလည်း မကောင်းပါဘူး။ အထူးသဖြင့် နေ့တိုင်း Full Makeup လိမ်းခြယ်တဲ့အခါမှာ ဒီလို အသားအရေပြဿနာတွေ ဖြစ်လာတတ်ပါတယ်။

အဆီဖု၊ ဝက်ခြံထွက်ခြင်း

Full Makeup တွေလိမ်းခြယ်ပြီးရင် သေချာ Cleansing လုပ်နိုင်မှ အဆင်ပြေမှာပါ။ Cleansing သေချာမလုပ်ရင် အဆီဖုနဲ့ ဝက်ခြံတွေ ထွက်လာပါလိမ့်မယ်။ ဒါကြောင့် အမြဲတမ်းမလိမ်းရင်တော့ အကောင်းဆုံးပါပဲ။ လိမ်းမယ်ဆိုရင်လည်း Cleansing သေချာလုပ်ပါ။ မဟုတ်ရင်တော့ အဆီဖုတွေ၊ ဝက်ခြံတွေ ပိုများလာပါလိမ့်မယ်။

ချွေးပေါက်ပိတ်ခြင်း

မျက်နှာက အမြဲတမ်း Makeup တွေ ထူနေအောင် လိမ်းခြယ်ထားတဲ့အတွက် ချွေးပေါက်ပိတ်စေပါတယ်။ ချွေးပေါက်ပိတ်ရင် အဆီဖုတွေ၊ ဝက်ခြံတွေ ထွက်လာမယ်၊ အသားအရေလည်း ပျက်စီးလာပါမယ်။

အရေးအကြောင်းဖြစ်လွယ်ခြင်း

အမြဲတမ်း Makeup လိမ်းရင် သူများထက်ပိုပြီး အရေးအကြောင်းတွေ ဖြစ်လွယ်ပါတယ်။ အမြဲ Full Makeup လိမ်းရင် ပိုဆိုးပါတယ်။ နဖူးနဲ့ ပါးမှာ အရေးအကြောင်းတွေ ဖြစ်လာမယ်၊ မျက်လုံးနားတစ်ဝိုက်မှာလည်း အရေးအကြောင်းတွေ ဖြစ်လာပါလိမ့်မယ်။

အသားအရေညစ်ခြင်း

သနပ်ခါးလိမ်းရင် အသားအရေက ချေးတက်သလိုပဲ Makeup လည်းတူတူပါပဲ။ မျက်နှာသစ်ဆေးနဲ့ သစ်ရုံလောက်နဲ့ အညစ်အကြေးတွေ၊ Makeup အကြွင်းအကျန်တွေက မပြောင်ပါဘူး။ သေချာ Cleansing လုပ်မှ အဆင်ပြေမှာပါ။ Makeup အမြဲလိမ်းခြယ်ထားရင် အသားအရေညစ်ပြီး Makeup လိမ်းလို့လည်း မကောင်းပါဘူး။ အောက်ခံ Skin မကောင်းသလိုလည်း ဖြစ်စေပါတယ်။ ဒါကြောင့် ကိုယ်က Makeup အမြဲလိမ်းနေရတယ်ဆိုရင် Skincare သေချာလုပ်ပါ။ တစ်ပတ်တစ်ခါ Exfoliate လုပ်ပေးပါ။