Exfoliating လုပ်တာက တစ်ပတ်တစ်ခါဆို လုံလောက်ပါတယ်။ အဲ့ထက်ပိုပြီး ခဏခဏလုပ်မယ်ဆိုရင်တော့ ဒီလို Skin Problem တွေ ဖြစ်လာနိုင်ပါတယ်။ ဒါကြောင့် ကိုယ်ကလုပ်နေမိတယ်ဆိုရင်လည်း ဆင်ခြင်လို့ရအောင် ပြောပြပေးလိုက်ပါတယ်။
ချွေးပေါက်ကျယ်လာခြင်း
Exfoliating ခဏခဏလုပ်တဲ့အခါ ပထမဆုံးဖြစ်လာမယ့် Skin Problem ကတော့ ချွေးပေါက်ကျယ်လာတာပါပဲ။ ချွေးပေါက်ကျယ်ရင် အဆီတွေပြန်တာနဲ့ ချွေးပေါက်ကျဉ်းအောင် လုပ်ရတာနဲ့ ပိုအလုပ်ရှုပ်ပါတယ်။ ဒါ့အပြင် ချွေးပေါက်ကျယ်လာတဲ့အခါ ဆားဝက်ခြံတွေလည်း ထွက်လာမှာပါ။
Skin Barrier ပျက်စီးလာခြင်း
Exfoliating ခဏခဏလုပ်တဲ့အခါမှာ ဖြစ်လာနိုင်တဲ့ နောက်ထပ် Skin Problem ကတော့ Skin Barrier ပျက်စီးလာတာပါပဲ။ Skin Barrier ပျက်စီးလာရင် ပုံမှန်ထက် အသားပိုခြောက်တာ၊ အဆီပိုပြန်လာတာတွေ ဖြစ်တတ်ပါတယ်။
Sensitive Skin ဖြစ်လာခြင်း
Exfoliating ခဏခဏလုပ်တဲ့အခါ အပေါ်မှာပြောခဲ့သလို Skin Barrier ပျက်စီးပြီး အသားအရေက Sensitive ဖြစ်လာမယ်၊ ထိခိုက်လွယ်လာပါမယ်။ အရေပြားပါးပြီး နေလောင်လွယ်လာပါမယ်။ Sensitive Skin ဖြစ်လာတော့ ဟိုဟာသုံးလည်းမတည့်၊ ဒီဟာသုံးလည်းမတည့်နဲ့ ဖုတွေကလည်း ဘာကြောင့်မှန်းမသိ ခဏခဏထွက်တာမျိုး၊ အသားအရေနီမြန်းတာမျိုးတွေ ဖြစ်လွယ်ပါတယ်။
ဝက်ခြံထွက်ခြင်း
Exfoliating ခဏခဏလုပ်ပြီး အသားအရေက ထိခိုက်လာတဲ့အခါ ဝက်ခြံတွေလည်း ထွက်လွယ်ပါတယ်။ အထူးသဖြင့် မေးစိနဲ့ပါးမှာ ထွက်လာတာ များပါတယ်။
