သင့်အနေနဲ့ ကံကောင်းတဲ့ Relationship ကို ပိုင်ဆိုင်ထားပြီဆိုတာ သိချင်ရင် ဒီအချက်တွေနဲ့ ကြုံတွေ့နေရပြီလားဆိုတာကို စစ်ကြည့်နိုင်ပါတယ်။ တကယ်လို့ ကံကောင်းတဲ့ Relationship ကို ပိုင်ဆိုင်ထားရပြီဆိုရင်တော့ တန်ဖိုးထားသင့်ပါတယ်။

အမြဲပျော်ရွှင်နေရတယ်

ဒီ Relationship မှာ အရမ်းပျော်ရွှင်ရတယ်၊ စိတ်ညစ်ရတဲ့အချိန်တွေက နည်းပြီးတော့ အဆင်ပြေပြေနဲ့ ပျော်ရွှင်ကြည်နူးနေရတယ်၊ ဒီလူနဲ့တွဲရတာ အရမ်းစိတ်ချမ်းသာရတာပဲဆိုတဲ့ ခံစားမှုမျိုး ရတယ်ဆိုရင် ကံကောင်းတာပါပဲ။

သစ္စာရှိကြတယ်

Relationship တစ်ခုမှာ တစ်ဖက်လူက သစ္စာမရှိရင် အရမ်းစိတ်ညစ်ရပါတယ်။ သစ္စာမရှိတဲ့အချစ်ရေးက ဘယ်လောက်မှ ကြာရှည်မခံပဲ ပျက်စီးမှာပါ။ တကယ်လို့ သင်ပိုင်ဆိုင်ထားတဲ့ Relationship က တစ်ယောက်နဲ့တစ်ယောက် သစ္စာရှိရှိနဲ့ ချစ်ကြတာဆိုရင်လည်း အမြဲ အဆင်ပြေနေမှာပါ။

နားလည်မှုရှိတယ်

တစ်ယောက်နဲ့တစ်ယောက် အရမ်းချစ်ကြလည်း နားလည်မှုမရှိရင် အဆင်မပြေပါဘူး။ ခဏခဏ ရန်ဖြစ်စကားများပြီး စိတ်ညစ်ရမှာပါ။ တစ်ယောက်နဲ့တစ်ယောက် နားလည်မှုရှိကြတယ်ဆိုရင် အမြဲအဆင်ပြေပြီး စိတ်ချမ်းသာ ပျော်ရွှင်ရမယ်၊ အချစ်ရေးနဲ့ပတ်သက်တဲ့ Stress တွေလည်း ရှိမှာမဟုတ်ပါဘူး။ ဒါဟာလည်း ကံကောင်းမှုတစ်ခုပါပဲ။

အချစ်ခံနေရတယ်

ပြောစရာမလိုအောင် အရမ်းအချစ်ခံရတယ်၊ ဂရုစိုက်ခံရတယ်၊ ဒါကြောင့်လည်း အမြဲပျော်ရွှင်ကြည်နူးရတယ်ဆိုရင် သင်က အချစ်ရေးမှာ အရမ်းကံကောင်းတဲ့သူတစ်ယောက်ပါ။

ဒီလူနဲ့ပဲလက်ထပ်ဖို့အထိရည်ရွယ်ထားတယ်

ကိုယ့်ကိုမချစ်တဲ့သူနဲ့တော့ ဘယ်သူမှလက်ထပ်မှာ မဟုတ်ပါဘူး။ တစ်ယောက်နဲ့တစ်ယောက် အရမ်းချစ်ကြပြီး လက်ထပ်ဖို့အထိ ရည်ရွယ်ထားကြတယ်၊ လက်ထပ်ဖို့အတွက် အတူတူကြိုးစားကြတယ်ဆိုရင် ကြည်နူးစရာကောင်းတဲ့၊ ကံကောင်းတဲ့ Relationship ကို ပိုင်ဆိုင်ထားတဲ့သူပဲ ဖြစ်ပါတယ်။