ဆယ်ကျော်သက်အရွယ်က စိတ်ကစားတဲ့အရွယ်၊ အချစ်ရေးနဲ့ပတ်သက်ပြီး မတည်ငြိမ်သေးတဲ့အရွယ်ပါ။ ဒီလိုအချိန်မှာ အချစ်ရေးနဲ့ပတ်သတ်ပြီး အမှားအယွင်းမဖြစ်အောင် သတိထားဖို့လိုပါတယ်။ ဒါကြောင့် ဆယ်ကျော်သက်အရွယ်မှာ အချစ်ရေးနဲ့ပတ်သက်ပြီး သတိထားရမယ့်အရာတွေကို ပြောပြပေးလိုက်ပါတယ်။
အယုံမလွယ်ပါနဲ့
ဆယ်ကျော်သက်အရွယ်မှာ သေချာစဉ်းစားဆုံးဖြတ်နိုင်စွမ်း သိပ်မရှိသေးတာကြောင့် အမှားအယွင်း ဖြစ်လွယ်ပါတယ်။ ဒီလိုအချိန်မှာ အယုံလွယ်ပြီး တစ်ခုခုလုပ်မိရင် မှားဖို့လမ်းစများပါတယ်။ ဒါကြောင့် အရမ်းအယုံမလွယ်ပါနဲ့။
သတိထားပြီးချစ်ပါ
ဆယ်ကျော်သက်အရွယ်မှာ ပြတ်သွားလည်း နောက်ထပ်ကောင်းတဲ့သူတွေ အမျိုးမျိုး ထပ်ရောက်လာအုံးမှာပါ။ ရည်းစားထပ်မထားတော့ပဲ နေမယ့်သူဆိုတာလည်း အရမ်းရှားပါတယ်။ ဒါကြောင့် မတည်မြဲနိုင်သေးတဲ့အတွက် တစ်ခုခုဆို အရမ်း Serious မဖြစ်ပါနဲ့။ အရမ်းမျှော်လင့်ချက်ထားပြီး ချစ်နေရင် ပိုပြီးခံစားရပါလိမ့်မယ်။
လက်ထပ်လိုက်တာမျိုးမလုပ်ပါနဲ့
ဆယ်ကျော်သက်အရွယ်က ဘာမှမရင့်ကျက်သေးတဲ့အရွယ်ပါ။ ဒီအရွယ်မှာ လက်ထပ်တာမျိုး လုံးဝမလုပ်ပါနဲ့။ ဘဝတက်လမ်းအတွက်ကြိုးစားဖို့ အခွင့်အလမ်းတွေ အများကြီးရှိနေတဲ့ အရွယ်ကောင်းပါ။ ဒီလိုအချိန်မှာ မိုက်ရူးရဲဆန်ပြီးလက်ထပ်တာမျိုး မလုပ်သင့်ပါဘူး။
ပညာရေးနဲ့အလုပ်ကိုလည်းဦးစားပေးပါ
အချစ်ရေးအတွက် ခံစားနေမယ့်အစား အတတ်ပညာကို များများသင်ပြီး တစ်ခုပြီးတစ်ခုတက်ပါ။ ကျောင်းတက်ရင်းအလုပ်လုပ်ပါ။ ဆယ်ကျော်သက်အရွယ်မှာထဲက မိဘဆီက လက်ဖြန့်တောင်းစရာမလိုပဲ ကိုယ့်ဝင်ငွေနဲ့ကိုယ်ရပ်တည်နိုင်အောင် ကြိုးစားပါ။ အသက်ကြီးလာတဲ့အခါ ဒီလိုလုပ်ခဲ့တာတွေက သင့်အတွက် အများကြီးအကျိုးရှိစေပါလိမ့်မယ်။
source:www.pexels.com
