RS ရှိပြီး အထီးကျန်သလိုခံစားနေရတဲ့သူတွေ အများကြီးရှိပါတယ်။ ဒီလိုအထီးကျန်တယ်လို့ခံစားနေရတဲ့ အဓိကအကြောင်းအရင်းတွေကတော့ ဒီအချက်တွေကြောင့်ပဲ ဖြစ်လာတာများပါတယ်။
တစ်ယောက်နဲ့တစ်ယောက်ရင်းနှီးမှုနည်းခြင်း
တစ်ယောက်နဲ့တစ်ယောက် ရင်းနှီးမှုနည်းရင် Relationship ကြီးက ပျင်းစရာကောင်းသလို၊ အထီးကျန်တဲ့စိတ်မျိုးလည်း ဝင်တတ်ပါတယ်။ တစ်ယောက်နဲ့တစ်ယောက် မာနတွေမထားပဲ၊ ရှိန်တာ၊ ရှက်ကိုးရှက်ကန်းဖြစ်တာမျိုးတွေလည်းမရှိပဲ ပွင့်ပွင့်လင်းလင်း ဆက်ဆံဖို့လိုပါတယ်။
အချိန်မပေးနိုင်ခြင်း
Relationship တစ်ခုမှာ တစ်ယောက်ကအားပြီး တစ်ယောက်ကအလုပ်များနေရင် အားနေတဲ့သူက အထီးကျန်တယ်ဆိုတဲ့စိတ်မျိုး ဝင်လေ့ရှိပါတယ်။ တစ်ယောက်ကအချိန်မပေးနိုင်ရင်လည်း အထီးကျန်တဲ့စိတ်မျိုး ဝင်ပါတယ်။ ဒါကြောင့် တစ်ယောက်နဲ့တစ်ယောက် တတ်နိုင်သလောက် အချိန်ပေးပါ။ တစ်ဖက်ကလည်း နားလည်မှုရှိပေးရင် အဆင်ပြေမှာပါ။
ဂရုစိုက်မှုမခံရခြင်း
ကိုယ့်ချစ်သူဆီက ဂရုစိုက်မှုမခံရတဲ့သူတိုင်းက အထီးကျန်သလို ခံစားရပါတယ်။ မိန်းကလေးတွေဆိုရင် အထီးကျန်ရုံတင်မဟုတ်ပဲ ဝမ်းနည်းစိတ်လည်း ဝင်တတ်ပါတယ်။ ဒါကြောင့် တစ်ယောက်နဲ့တစ်ယောက် အသေးအမွှားလေးတွေကအစ ဂရုစိုက်ပေးဖို့၊ ကြင်နာပေးဖို့ လိုပါတယ်။
အလိုမကျမှုတွေများခြင်း
ကိုယ့်ဘက်က ချစ်သူအပေါ်မှာ အလိုမကျတာတွေများနေရင်လည်း တစ်ယောက်ထဲ စိတ်တွေတို stress တွေများပြီး ဒေါသထွက်လိုက်၊ ဝမ်းနည်းလိုက်နဲ့ ဖြစ်နေတတ်ပါတယ်။ ကိုယ့်ရဲ့စိတ်အလိုမကျမှုတွေကြောင့်ပဲ overthinking တွေဖြစ်ပြီး အထီးကျန်သလို ခံစားရပါတယ်။
ပြဿနာတက်ရန်ဖြစ်တာတွေများလာခြင်း
စုံတွဲတွေမှာ ပြဿနာတက်ရန်ဖြစ်ရတာတွေ များလာရင်၊ အဆင်မပြေတာတွေများလာရင် တစ်ယောက်နဲ့တစ်ယောက် ပိုဝေးသွားသလို ခံစားရတတ်ပါတယ်။ ချစ်ရမယ့်အချိန်ထက် ပြဿနာတွေဖြေရှင်းနေရတာနဲ့၊ ရန်ဖြစ်နေရတာနဲ့ပဲ အချိန်ကုန်နေရင် နှစ်ယောက်လုံး အထီးကျန်သလို ခံစားရမှာပါပဲ။
photo source:www.freepik.com
